​የጎንደር ፖሊስ አዛዥና የኮማንድ ፖስቱ አባል ታሰሩ

Standard

ኢሳት (መጋቢት 7 ፥ 2009)የጎንደር ከተማ ፖሊስ አዛዥ እና የኮማንድ ፖስቱ አባል ታሰሩ። የጎንደር ከተማ ፖሊስ አዛዥ የሆኑት ኮማንደር አሰፋ ሹሜ ረቡዕ መጋቢት 6 ፥ 2009 መታሰራቸው ቢረጋገጥም፣ ስለታሰሩበት ምክንያት የታወቀ ነገር የለም። የአስቸኳይ ጊዜ አዋጅ ከታወጀበት ጊዜ ጀምሮ በዚህ ኮማንድ ፖስት ስር መቀጠላቸው የተገለጸው ኮማንደር አሰፋ ሹሜ፣ ረቡዕ ከስራና ስልጣናቸው ተነስተው ወደ እስር ቤት ተወስደዋል። በተመሳሳይ የጎንደር ከተማ ከንቲባ አቶ ጌትነት አማረም፣ ከሃላፊነታቸው ተነስተዋል። ለፖሊስ አዛዡ መታሰርና ለከንቲባው ከስልጣን መነሳት ምክንያት የሆነው ጉዳይ በግልፅ ባይታወቅም፣ በጎንደር ውስጥ መሳሪያ ያየዙ ሃይሎች እየተንቀሳቀሱ መሆናቸው ሲገለጽ፣ እያደፈጡ ጥቃት በመሰንዘር ላይ መሆናቸውም ይታወቃል። በሳምንቱ መጀመሪያ በጎንደር የተለያዩ ስፍራዎች የአርበኞች ግንቦት 7 ታጣቂዎች የደፈጣ ጥቃት በመፈጸም ጉዳት ማድረሳቸውን መዘገባችን ይታወሳል። በአማራ ክልል በቀጠለው ግምገማ 16 ከፍተኛ አማራሮች ከስልጣናቸው ሲነሱ፣ አስራ አንዱ ከደረጃቸው ዝቅ በለው እንዲሰሩ መወሰኑን የክልሉ ገዢ ፓርቲ ብአዴን/ኢህአዴግ አስታውቋል። በዞን ደረጃ ከሚገኙ 494 አመራሮች 80 የሚሆኑት መሻራቸውም ተመልክቷል። በዝቅተኛ ዕርከን ላይ ከሚገኙት 6ሺህ ያህል አመራሮች 995 ቱ ከስልጣናቸው መሻራቸውም ከድርጅቱ ሪፖርት መረዳት ተችሏል።

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s