የአዲስ አበባው የአርበኞች ግንቦት ሰባት ህዋስ የህወሀትን የማሰቃያ እና መሳርያ ማከማቻ ቦታ አወደመ

Standard

ቅዳሜ ሰኔ 3 ቀን 2009 ዓ.ም አንድ የአርበኞች ግንቦት 7 የአዲስ አበባ ህዋስ አዲስ አበባ ቂርቆስ ክፍለ ከተማ ወረዳ ሰባት ከቀድሞ ናዝሬት አውቶቡስ ተራ አጠገብ የሚገኘውን የህወሓትን የድብቅ ማሰቃያ ቦታ እና የመሣሪያ ማከማቻ አወደመ። ቦታው ቀደም ባሉ ዓመታት የጉምሩክ መጋዘን ሆኖ ያገለግል ነበር። በቅርብ ዓመታት ወዲህ ግን ቦታው የሚያገለግለው በፌደራል ፓሊስ የመሣሪያ ግምጃ ቤትነትና በስውር ማሰቃያነት ነው።


በርካታ ወገኖቻችን ዓይኖቻቸው እየታሰሩ ወደዚህ ቦታ እየተወሰዱ ስቃይ (ቶርቸር) እንዲደርስባቸው በመደረጉ ለዘላቂ የአካልና የስነልቦና ጉዳት ተዳርገዋል። በዚህ ግቢ ውስጥ በደረሰባቸው ስቃይ ምክንያት ሕይወታቸውን ያጡ ወገኖችም አሉ። በዚህ ግቢ ውስጥ በርካታ ወንድና ሴት እስረኞች እጅግ አሰቃቂና ኢሰብዓዊ በደል ተፈጽሞባቸዋል። በዚህ ግቢ ውስጥ በደሰረባቸው ስቃይ ምክንያት ዘር ማፍራት እንዳይችሉ የተደረጉ ወገኖቻችን በርካቶች ናቸው። በዚህ ፀረ ትውልድ እና ፀረ ኢትዮጵያ ተቋም ላይ ነው የአርበኞች ግንቦት 7 ህዋስ እርምጃ የወሰደው።


በተወሰደው ጥንቃቄ የተሞላበትና የተጠና እርምጃ ሳቢያ በግቢው ውስጥ የነበሩ መጋዘኞች ከነመሣርያዎቻቸው በእሳት እንዲጋዩ ተደርጓል፤ በተወሰደው እርምጃ ሳቢያ የተቀሰው እሳት በሁለት ሰዓታት ያህል ማጥፋት አልተቻለም። በዚህም ምክንያት መላው የአዲስ አበባ ነዋሪ የተወሰደውን እርምጃ በዓይኖቹ እንዲያይና በህወሓት አምባገነን አገዛዝ የሚደርስበት ስቃይ ቁጭት እንዲወጣ እድል ፈጥሯል።

በተወሰደው እርምጃም አገር ወዳድ የፌደራል ፓሊስ አባላት የህቡዕ እርዳታ አድርገዋል።
ለወደፊቱም ተመሳሳይ እርጃዎች ሊወሰዱ እንደሚችሉ የአርበኞች ግንቦት 7 የአገር ውስጥ ህቡዕ አመራር ገልጿል። በተጨማሪም እያንዳንዱ አገሩንና ነፃነቱን የሚወድ ዜጋ በየተሰማረበት መስክ ሥርዓቱን የሚያዳክሙ የሕዝባዊ እምቢተኝነትና የሕዝባዊ አሻጥር እርምጃዎችን ተግባራዊ እንዲያደርግ አሳስቧል።
ድል ከእኛ ነች እናሸንፋለን!!

በ ተክሉ ቀዲዳ

Advertisements

    ዝክረ ሰማእታት በ ሰኔ 1 ቀን 1997 ዓ.ም ለተጨፈጨፉ ንጹሃን ዜጎች

Standard

   የዛሬ አስራ ሁለት አመት ልክ በዚህ ቀን ግንቦት  7, 1997 ዓ.ም የተደረገውን  ምርጫ መሸነፉን ተከትሎ አገዛዙ የስልጣን እድሜውን ለማራዘም በንጹሃን ዜጎች ላይ የወሰደው እርምጃ ነው። አገዛዙ የፈጸመውን ምርጫውን የማጭበርበር ሂደት ለመቃወም አደባባይ ላይ በወጡ ዜጎች ላይ በአሰቃቂ ሁኔታ የግድያ እርምጃ የወሰደበት ወቅት ነው። በዚህም ግድያ በርካታ ዜጎች ለሞትና ለከፍተኛ የአካል ጉዳት ተዳርገዋል። በተለይ በአዲስ አበባ ላይ በአጋዚ ጦር በመታገዝ በርካታ ንጹሃን ዜጎች እንደወጡ ቀርተዋል። ህጻናት፡ ሴቶች፡ አዛውንቶችና ሮጠው ያልጠገቡ ወጣቶች ሳይቀሩ በአሰቃቂ ሁኔታ ተገድለዋል። የዚህ ጭፍጨፋ ገፈት ቀማሽ ሆነዋል።  የህወሃት መራሹ አገዛዝ ያደረሰብንን ይህን እና መሰል በደል መቼም አንረሳውም ፡፡

(የአርበኞች ግንቦት 7 ድምፅ ሬዲዮ)

የወያኔ የአፈና መረብ አባላቶች ሥርዓቱን እየከዱ ነው 

Standard

        አብዛኛዉን አፋኝና ገዳይ አባላቶቹን ያጣዉና እያጣ የሚገኘዉ ብሐራዊ መረጃ በከፍተኛ ሚስጥር ከሐገር ዉጭ አሰልጥኖ ያስገባቸዉ አራት ስናይፐር አነጣጣሪ ገዳዮች፣ ሁለት ልዩ ኮማንዶ የጠለፋ ክፍል ስምሪቶች፣ ሁለት አይቲ ኢንጂነር መረቦች፣ ሁለት አለም አቀፍ ግራና ቀኝ ክንፍ ማንኛዉም አዉቶሞቢል አሽከርካሪዎች፣ ከድተዉ የደረሱበት እንደማይታወቅ በ2008 መጨረሻ ላይ ያሳወቀዉ የብሐራዊ መረጃ የሰዉ ሐይል እና ግንኙነት ክፍሉ በድጋሚ ባሳለፍነዉ ወር ሚያዚያ 2009 ላይ አንድ እስናይፐር አነጣጣሪና አንድ አይቲ ኢንጂነር ሰልጣኝ ባልታወቀ አካል መገደላቸዉን ለዉስጥ ክፍል ማሳወቁን ምንጮች ጠቆሙ። የ10 አለቃ ዝንዉ ክብረት እና የአይቲ ኢንጂነር የሳይበር ጥቃት ባለሞያዋ ወ/ሪት ሶስና ኤፍሬም የተባሉ ግለሰቦች ቻይናና ህንድ ተምረዉ የተመለሱ እንደነበሩ የጠቆመዉ ምንጫችን ይህን አይነት ድርጊት በመረጃዉ ቢሮ ዉስጥ የተለመደ ነገር እየሆነ ነዉ ሲል ጠቆሞዋል። በተያያዘ መረጃ በወታደራዊ ደህንነት የትግባር ክንፍ ተዋቅሮ የተላከ አንባ ( ANBA OPERATION ) የሚል ስያሜ ተሰጥቶት ለተግባር ተሰማርቶ የነበረ ቡድን በጎንደር ሊቦ ከምከም አካባቢ በተደረገ ድንገተኛ ጥቃት ምክንያት በመመታቱ የተግባር መመሪያዉ ውድቅ  operation cancelled ) መደረጉን ለማወቅ ተችሏል።በተጨማሪ ዛሬ በደረሰን መረጃ መሰረት ሀላፊነት ያልወሰዱ እጅግ የታጠቁ ሐይሎች አስፋሪና ሰፋሪያኑን በቀዳሀሪፍ እካባቢ ገጥመዋቸውል በዚህ ድንገተኛና 23 ደቂቃ ብቻ በወስደ ውግያ ላይ ሸማቂያኑ ባደረሱት ጥቃት 3 የህወሀት ወታደሮች እና 2 የሱዳን ወታደሮች የተገደሉ ሲሆን 8 ቱ ላይ ከባድና ቀላል የመቁሰል አደጋ ደርሶባቸዋል::

ልኡል አለሜ