የህዝብን ጥያቄ በጠብመንጃ ኃይል ጨፍልቆና አድበስብሶ ማለፍ አይቻልም

Standard

         ደደቢት በረሀ ላይ እንደ አሸን የተፈለፈለው የህወሀት አገዛዝ በህገ-አራዊት እየተመራ የኢትዮጵያን ህዝብ ላለፉት 26 ዓመታት በመግደል፣ በማሰር፣ እንዲሁም የሀገርን ሀብት በመዝረፍ አስነዋሪ ወንጀል በመስራት ህዝቡንም በብሄርና በቋንቋ በመከፋፈል ሀገርን በክልልና በጎጥ በመሸንሸን ህብረተሰቡ ያለውን ሀይል እንዳይጠቀም በማድረግ ሰጥ ለጥ ብሎ እንዲገዛና አረመኔያዊ ስርዓት መውደቅ አለበት ብሎ በአደባባይ ወጥቶ በገሀድ እንዳይቃወም አንገቱን አስደፍቶ እንዲኖር መፍረዱ ሳያንሰው በተለያ ጊዜ እራሱ በሚቆጣጠረውና እንደፈለገ በሚያሽከረክረው የፕሮፓጋንዳ መለፍለፊያ ጣቢያው ሀገራችን በእድገት ጎዳና ላይ በመገስገስ ላይ ትገኛለች፤ ህዝቡም የመብቱ ተጠቃሚ ሆኗል እያለ በተደጋጋሚ ጊዜ ሲዋሽ የቆየው ሽፍታው ወያኔ ምናልባትም የህወሀት ባለስልጣናት እና የእነሱ አጫፋሪ የሆኑ ጥቂት ግለሰቦችን ያካተተ ካልሆነ በስተቀር የኢትዮጵያ ህዝብ በአሁኑ ሰዓት የኑሮ ውድነት አንገሽግሾት የዴሞክራሲ እጦት አንገብግቦት ስርዓቱን በመቃወም በየአቅጣጫው ብሶቱን በማሰማት ላይ ይገኛል፡፡
እነዚህ የንጹሀን ደም ያሰከራቸውና ገና ወደፊትም በርካታ የንጹሀንን ደም ለመጠጣት በዝግጅት ላይ ያሉት የህወሀት ባለስልጣናት በተለያየ ጊዜ እነሱ እራሳቸው የስልጣን እድሜያቸውን ለማርዘም ሲሉ ብቻ ከህዝቡ የነጠቁትን ሰላም፣ ዴሞክራሲና ነፃነት ለማስመለስ በተለያዩ የሀገሪቱ ክፍሎች የሚደረጉ ህዝባዊ ተቃውሞዎችንም ሆነ ይህ ስርዓት ያንገፈገፋቸው የህዝብ ብሶት የወለዳቸው የኢትዮጵያ የቁርጥ ቀን ልጆች የሚያደርጉትን የትጥቅ ትግል ለማኮላሸትና ከህዝብ ለመነጠል ያልቆፈሩት ጉድጓድ ያልፈነቀሉት ድንጋይ የለም፡፡ታዲያ የኢትዮጵያ ህዝብ አሁን በሚገኝበት ደረጃ ላይ ለመድረስ በወያኔዎችና በተላላኪዎች አማካኝነት ለበርካታ አመታት የሚያሰራጩለትን የሀሰት ወሬ አሜን ብሎ ሳይቀበለው ውስጥ ውስጡን በመደራጀትና የወያኔን እንቅስቃሴ በንቃት በመከታተል መብቱ ሲረገጥ፤ መሬቱ ሲነጠቅና የመኖር ህልውናው ሲጠፋ ዝም ብሎ ከማየት ይልቅ እስከ አፍንጫው የታጠቀውን የህወሀት ወያኔን አገዛዝ በትጥቅ ትግል በማንበርከክና ህዝቡንም የስልጣን ባለቤት ለማድረግ በሀገራችንም ሰላምና መረጋጋት እንዲሁም ዴሞክራሲያዊ የሆነ ስርዓት በመገንባት ወያኔ የከፋፈላትን ኢትዮጵያ ሳይሆን አዲሲቷን ኢትዮጵያ ለመገንባት ዱር ቤቴ ብለው ርሀብ፣ ውሀ ጥም፣ ሀሩርና ቁሩ ሳይበግራቸው ለዚህ ለተቀደሰ አላማ ይህን አንባ ገነን ሽፍታ ወያኔን የሚታገሉ ሀይሎችን በመደገፍ እና በመቀላቀል ለነጻነቱ በሚችለው አቅሙ ይነሳ ።

አንድነት ሀይል ነው 


ድል ለኢትዮጵያ ህዝብ አርበኞች ግንቦት 7 !!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.