የታጋይ አንዳርጋቸው ፅጌን ቃለ-ምልልስ ከእንባ ጋር ግብ-ግብ እየገጠምን አደመጥነው

Standard

             በደህንነቱ ጌታቸው አሰፋ ልጆች የምድር ስቃይ እንዲቀበል ከተደረገባቸው ቦታዎች አንዱ ጊዮን ሆቴል በሚገኝ ምድር ቤት ውስጥ አንደነበርም ሐዘን እየናጠን ሰማን ።አስገራሚ ነው ። ግዮን ሆቴል ፦ ከላይ በተነቆጠቆጡ ሳሎኖች አለማቸውን የሚቀጩና የሚደነክሩ ፤ ከስር በሚገኝ ጨለማ ክፍል ውስጥ ደግሞ አንዳርጋቸውን የመሰሉ ዘግናኝ ስቅየትን የሚቀበሉ ዜጎች የሚገረፉበት ስፍራ ። ያን የመሰለ በአትክልቶች የተዋበ ምድረ-ገነት ግዮን ሆቴል ፤ ያን የመሰለ በፍቅር የጦፉ ፍቅረኞችና የነገ ተስፋ ሕፃናቶች የማቦርቁበት መስክና የውሃ ገንዳ ያዘለ የመዝናኛ ስፍራ በስሩ ጉድ ይዟል ለካ ?

የጀርመኑ ሒትለር ሚስጥራዊ የፖሊስ ተቋም የነበረው (Gestapo)

            አይሁዶችንና ” ጠላት ” የሚላቸውን ዜጎች አብዛኛውን ጊዜ አካላቸውን እየከተፈና እየበለተ የሚመረምረው ከመደበኛው የሀገሪቱ እስር ቤቶች ውጪ ባሉ ሆቴሎች ፣ ሆስፒታሎች ፣ የበጎ አድራጎት ሕንፃዎችና የማሕበረሰቡ መገልገያ የተለያዩ ተቋማቶች ውስጥ እንደነበር ያነበብናቸው ታሪኮች ነግረውናል ።የሕወሓቱ ደህንነት ሐላፊ አቶ ጌታቸው አሰፋ ….. የናዚውን Gestapo መሪ የነበረውን የሄነሪክ ሙለርን መርህና የስቅየት ዘዴን ከነስፍራው ጭምር የተጠቀመ ስለመሆኑ የምንሰማቸው ታሪኮች እያስረዱን ነው ።የጊዜ ጉዳይ ነው እንጂ ገና እየተሳቀቅን ፣ እጃችንን በአፈችን ጭነን እየተገረምን የምንሰማቸው የስቅየትና የግፍ ትርክቶችን እንሰማለን ።ማን ያውቃል … ከማሰቃያው ስፍራ ብዙነት ፣ ከአሰቃዮቹና ከአዛዦቹ ብዛት የተነሳ ልክ እንደጀርመኖቹ በአንዱ ጨለማ ክፍል ተረስተው ከነሰንሰለታቸው ደርቀው የቀሩ ዜጎች እንዳሉስ ?…..ማንም አያውቅም ። ጊዜ ግን እነዚህንም ያሳውቀናል ።

Source: Activist

Advertisements

ለጥንቃቄ፤ ከህወኃት የሴራ ጨዋታዎች አንዱን እነሆ

Standard

           ቀትር ላይ በኢትዮ ኤርትራ ጉዳይ ህወኃት የሰጠችውን መግለጫ ፋና ሲዘግበው ሰማሁ፡፡ የዜናው ሀሳብ በጥቅሉ፣ የትግራይ ሕዝብም ሆነ ህወኃት ከኤርትራ ጋር የነበረው ሠላም እንዲመለስ ለብዙ አመታት ሲጥሩ እንደኖሩና የአሁኑ የመንግሥት ውሳኔም የዚያ ጥረት ዋና አካል በመሆኑ ከልብ መደሰታቸውን፣ የሚገልፅ ነው፡፡ አቤት ቅጥፈት! ጉድ ነው መቼም! እስቲ መቼና የቱጋ ነው አሁን፣ ህወኃት ከኤርትራ ጋር ሠላም እንዲሰፍን ሲጥር የከረመው?

            ለማንኛዎም ከህወኃት ዋና የተንኮል መተግበሪያ ሴራዎች አንዱ እንዲህ ያለው ተግባር ነው፡፡ ሕዝብ ለእነሱ ያለውን ጥላቻና ተቃርኖ ስለሚያውቁ፤ ሕዝብ እንዲቃወመው የሚፈልጉትን ነገር እነሱ በጣም የወደዱት ወይም ያደነቁት መስለው ይቀርባሉ፡፡ ሕዝቡ ያኔ ነገሩን አምርሮ ይጠላዋል፣ ይጠየፋዋል፣ ይቃወመዋል፡፡ ይቺ ብዙ የበሉባት ወጥመዳቸው ናት፡፡

             የዚች ሴራ ሰለባ ከሆኑ ጉልህ ሀገራዊ ክስተቶች መካከል የ97ቱ የቅንጅት፣ ፓርላማ እንግባ አንግባ ክርክር በዋቢነት ይጠቀሳል፡፡ ህወኃቶች ቅንጅት ምክር ቤት እንዳይገባ ስለፈለጉ፣ አውቀው የቅንጅት ፓርላማ መግባት ለእነሱ ከፍተኛ ጥቅም ያለው በማስመሰል ቀርቡ፡፡ ሕዝቡም ይኼን ሀሰተኛ የህወኃት/ኢሕአዴግን ተንኮል ሳይረዳ፣ ቅንጅት ፓርላማ እንዳይገባ ከፍተኛ ጫናውን አሳደረ፡፡ ያው በዚህና በተያያዙ ሌሎች ብዙ ምክንቶች ነገሩ ሁሉ ብልሽሽቱ መውጣቱ ይታወሳል፡፡

            አሁንም ህወኃቶች በጠ/ሚ አብይ አካኼድ ደስተኞች አይደሉም፡፡ ስለዚህ በጠ/ሚሩ ላይ በቀላሉ የሕዝብ ልብ መሻከርን ለመፍጠር፣ ዶ/ር አብይ በእነሱ ፍላጎት የተሾመና በእነሱ ዕዝ የሚመራ የራሳቸው ዋና ሰው እንደሆነ ለማስመሰል ይጥራሉ፡፡ የሆነውን ሁሉ እያየንም ቢሆን፣ መቼም ሁሏንም ነገር በአንዴ ወደተቃውሞ መቀየር ስለለመደብን፣ አንዱ ሰው ይቺን ጫፍ ይዞ “ይኸው አላልናችሁም አቶ አብይ የህወኃት አሻንጉሊት ናቸው” ብሎ ያውጃል፡፡ በቃ ከዚያ በኋላ ጭቅጭቅ በጭቅጭቅ፡፡ ለማንኛውም እኛ ተናግረናል፡፡ ጠንቀቅ ማለት ጥሩ ነው፡፡

Source:Activist

የረመዳኑ ጥቃት ቀጥሏል

Standard

ከአዲስ አበባ ከቃሊት መናኸሪያ አካባቢ በተለምዶ በተለምዶ ቶታል መስጊድ ተብሎ በሚጠራው አካባቢ ሰጋጁን ለማወክ የወረዳ ባለስልጣናት አየጣሩ ነው ሲሉ የመስጊዱ ተገልጋዮች ለቢቢኤን ገለጹ።

ከቶታል መስጅድ አተገብ ያለምንም ግንባታ የታጠረች ባዶ ቦታ አለች የሚሉት የመስጊዱ ተጠቃሚዎች የታጠረቸው ቦታ ምእንኑን መፈናፈኛ ያሳጣች ናት ሲሉ ይወቅሳሉ።የታጠረችው ቦታ ለቶታል መስጊድ እንትሰጥ ለሚመለከታቸው የመንግስት እካት ጥያቄ ቢቀርብም ተገቢው ምላሽ አለመገኘቱ ታዉቋል።

የመስገጃ ቦታ የሚሞላ በመሆኑ በቦታዋ እንስገድ የሚል ጥያቄ ለሚመለከታቸው አካላት ቢቀርብም በጎ ምላሽ ሳይሆን «በኮማንድ ፖስቱ እናሳስራችሗለን»የሚል ዛቻ ቀቦብናል ሲሉ ለጉዳዩ ቅርበት ያላቸው ወገኖች ያስረዳሉ።

በባዶ ቦታዉ ላይ በወርሃ ረመዳን የጁመዓ ሰላት እንዲሰገድበት ተፌዴራል የሐይማኖት ተቋምና የ አዲስ አበባው ፍትህ ቢሮ ለክፈለ ከተማዉ አስተዳደር ደብዳቤ ቢጽፉም፤ አስተዳደሩ ደብዳቤውን አልቀብልም በማለት ም እምኑን አሳፋሳለሁ በማለት ሲዝቱ እንደነበር የመስጊዱ ተገልጋዮች ለቢቢኤን አሳውቀዋል።

በም እምኑና በከተማው መስተዳደር መካከል ፍጥጫው ደርቷል። የክፍለ ከተማው መስተዳድር መስጊዱ ሞልቶ ሰጋጁ ባዶ ቦታዉ ላይ ከሰገደ ፖሊስን በመጥራት እርምጃ ወስዳለሁ በማለት እያስፈራሩ መሆናቸውን የሚገልጹት ምእምናን ስጋት ላይ መሆናቸውን አሳውቀዋል።

Source :Activist

ሰማዕታትን መቼም አንረሳቸሁም

Standard

የዛሬ 13 ዓመት ሰኔ 1/1997 ዓ.ም ንጹሐን ኢትዮጵያዊያን በአደባባይ የተገደሉበት ቀን ነው

የምርጫ 1997 ውጤት መሰረቁን ተከትሎ፣ በአገራችን ከፍተኛ የሆነ ህዛባዊ እንቅስቃሴ እና ተቃውሞ ተካሂዶአል፡፡የምርጫው መሰረቅ ለመቃወም አደባባይ የወጡት ዜጎቻችን ላይ ፋሽስታዊ እርምጃ በአገዛዙ ስርዓት ጠባቂዎች አማካኝነት ተወስዶባቸዋል፡፡ነገሩን ይበልጥ አሳዛኝ የሚያደርገው ሙሉ በሙሉ ወታደራዊ ትጥቅ የታጠቁ ወታደሮች ፣አደባባይ ባዶ እጃቸውን በወጡ ሰላማዊ ዜጎቻችን ላይ በአልሞ ተኳሾች የተወሰደው እርምጃ የስርዓቱ ልኬለሽ አምባገነን ባህሪ ፍንትዉ አድርጎ የሚያሳይ ነው፡፡

በወቅቱ የነበረው አስከፊ ጭፍጨፋ የአገዛዙ ስርዓት ዋና መሪ የሆኑት አቶ መለስ ዜናዊ፣ የአገሪቱ የጸጥታ ሃይሎች በሙሉ በአንድ ዕዝ ሰንሰለት ሥር ገብቶ ተጠሪነቱ በቀጥታ ለእሳቸው እንደሆነ፣ በሬዲዮና በቴሌቭዥን መመሪያና አዋጅ ማስነገራቸው የሚታወስ ነው፡፡ የእሳቸው እና የመንግስታቸውን ጥሪ የተቀበለው በልዩ ስሙ የአጋአዚ ጦር የሚባለው፣ በአዲስ አበባ ቁጥሩ ቀላል የማይባል የሰው ሕይወት ቀጠፈ። በአስር ሺዎች የሚቆጠሩ ነፃነት ጠያቂዎች በአገዛዙ ሥርዓት አገልጋዮች አማካኝነት ወደተለያየ የማጎሪያ ስፍራ በመውሰድ በዜጎቻችን ላይ ከፍተኛ ስቃይ እና እንግልት እንዲደርስባቸው አደረጉ ።

ሰኔ 1 ቀን 1997 ወገኖቻችን ላይ የተፈጸመው አሰቃቂ ጭፍጨፋ፤ ሁሌም የማንረሰው ዛሬም ድርስ በሁላችን ህሊና የሚታወሰው ነው፡፡ በተለይ ኮተቤ መምህራን ኮሌጅ ፊት ለፊት ግንባሯን በጥይት ተመታ የተገደለችው የ18 አመቷ ወጣት ሽብሬ ደሳለኝ፤ቀድሞ በተተኮሰ ጥይት የወደቀውን ወንድሙን አብረሃም ይልማ አስከሬን ታቅፎ ያለቅስ የነበረው በጥይት ተበሳስቶ የተገደለው የፈቃዱ ይልማ አሟሟት እንዴት ይረሳል ? የ14 አመቱ ነብዩ አለማየሁ ደብተሩን ይዞ ከትምህረት ቤት ሲመለስ አልሞ ተኳሽ በሆኑ ወታደሮች መገደሉ እና የወላጅ እናቱ የይድረሱልኝ እሮሮና ለቅሶ ዛሬም ድረስ በአገር ወዳድ ኢትዮጵያዊያን ልብ ውስጥ የተቀመጠ ሐዘን ነው፡፡ ውድ ህይወታቸውን መሰዋዕትነት የከፈሉ ወገኖቻችንን መቼም አንረሳቸሁም !

(ይድነቃቸው ከበደ )

የኢትዮጵያ አየር መንገድ ጉድና ለምን እንደሚሸጥ (ET is in deep trouble too)

Standard

የኢትዮጵያ አየር መንገድ ምናልባትም በአለም ካሉት የኮርፖሬት ካምፓኒዎች ጥያቄ የጠየቁ ሰራተኞችን የሚቀጣበት የምድር እስርቤት ያለዉ ብቸኛዉ ካምፓኒ ሳያደርገዉ አይቀርም፡፡ በአየር መንገዱ አሰራር ላይ ጥያቄ ያነሳ ሰራተኛ በእቃ መጫኛ አንጋር አካባቢ ወደ ሚገኘዉ ቀዝቃዛ እስር ቤት ለሳምንታት ወይም ለወራት ልትታሰር ትችላለህ፡፡ ሴቶች ከሆኑ ደግሞ በዚህ እስር ቤት ጠባቂዎች የመደፈር ጉዳይ አለ፡፡ ብዙ ሰዉ ይህ ድርጅት አትራፊ ነዉ ለምን ይሸጣል ይላል፡፡ በርግጥ በአመት 50 ወይም 100 እስከ 200 ሚሊየን ዶላር አትርፎ ያዉቃል፡፡ ነገር ግን ከአሜሪካ ባንኮች፤ ከቻይና አግዚም ባንክና እና ከህንድ ባንክ የተበደረዉ ብድር የትእየለሌ ነዉ፡፡ ለራሱ ለድርጅቱ ብቻ ሳይሆን መንግስት በዚህ ድርጅት ሰበብ ለራሱ ይበደርበታል፡፡ አሁን ላይ በየአመቱ መንግስት ከሚከፍለዉ የብድር እዳ 60% የአየር መንገዱን እዳ ይሸፍናል፡፡እስኪ ከብዙ ችግሮች ዉስጥ አንዱን ለምሳሌ ላንሳዉ፡፡

የአምስቱ የመጨረሻዎቹ የኢትዮጵያ አየር መንገድ B787 ድሪም ላይነር አውሮፕላኖች የማኔጅመንቱ ድብቅ ቁማር ANA (All Nippon Airways) በመባል የሚታወቀው የጃፖኑ አየር መንገድ ከቦይንግ ካዘዛቸው በርካታ ድሪም ላይነር አውሮፕላኖች ውስጥ ቀድመው ተመርተው የነበሩት B787 ድሪም ላይነር አውሮፕላኖች በነበራቸው የምርት ጥራት ችግር የዲዛይን ደረጃቸውን ስለማያሞሉ እና በዚሁም ምክንያት አውሮፕላኖቹ ምንም ሳይጭኑ ከባድ በመሆናቸው እና የጭነት መጠናቸው ዝቅተኛ በመሆኑ፣ የነዳጅ ፍጆታቸው ከፍተኛ በመሆኑ እና አጭር ርቀት ብቻ መብረር በመቻላቸው በመሳሰሉ ትክክለኛ ምክንያቶች ከቦይንግ አልወስድም ብሎ ስለተዋቸው ፈላጊ አተው ለበርካታ አመታት ቆመው ነበር። የኢት ማኔጅመንት ግን እኒህን 5 አዉሮፕላኖች በጥቅም ተደልሎ ተቀብሏቸዋል፡፡

በቦይንግ አሰራር መሰረት አዳዲስ አውሮፕላኖችን ለአየር መንገዶች ብቻ እንደሚሸጥ ይታወቃል። በዚህም መሰረት South America አካባቢ የሚገኝ አውሮፕላን ገዝቶ በማከራየት የሚታወቅ አንድ ካምፖኒ እነዚህን አውሮፕላኖች ከመግዛቱ በፊት በዚህ standard ማንም እንደማይከራየው ስለሚያውቅ እና በቀጥታ ቦይንግ ስለማይሸጥለት በድርድር የኢትዮጵያ አየር መንገድ እያንዳንዱን 90 ሚሊዮን የአሜሪካ ዶላር አካባቢ ከቦይንግ እንዲገዛው ካደረገ በሆላ ይሄው ካምፖኒ ገንዘብ ጨምሮ ወደ 120 ሚሊዮን ዶላር ገደማ ከኢትዮጵያ አየር መንገድ ላይ መልሶ በመግዛት የኢትዮጵያ አየር መንገድ ከ25 አመታት በላይ አውሮፕላኑ እስኪያረጅ ድረስ ተከራይቶ እንዲያበርለት የሚያስገድድ ውል ከማኔጅመንቱ ጋር ይፈራረማል፡፡ይሄው ዛሬም ተዋረዱ ሲላቸው ከጅምሩ ጀምሮ በፋን ብሌድ ዝገት፣ በሞተር ዘይት መፍሰስ በመሳሰሉ አወዛጋቢ ችግሮች ሲገጥመው በቆየው የተገጠመለት Rolls-Royce Trent 1000 ሞተር ችግር ምክንያት ፓርቱ እስኪገኝ ድረስ አራቱ አውሮፕላኖች እዳቸው እየተከፈለ ላልታወቀ ረጅም ጊዜ እንዳይበሩ ተደርገዋል። የዚህ አውሮፕላን የሊዝ ክፍያ በዶላር በወር 800,000 እስከ 1.25 ሚሊየን USD ድረስ ነው (በዚህች በደሀ ሀገር ላይ ይሄ ዶላር ምን ያህል ቁም ነገር ሊሰራ እንደሚችል ማሰብ ነው) ።

ከዚሁ ጋር በተያያዘ ሌሎቹ B787 ድሪም ላይነሮች የነዚህ የተበላሹ አውሮፕላኖች መስመርን ለመሸፈን ሲባል ለጥገና መግባት ከነበረባቸው ሰአት በላይ ሴፍቲን በሚፃረር ሁኔታ እየበረሩ ይገኛሉ። እነዚህን አውሮፕላኖች ጨምሮ Trent 1000 Rolls Royce ሞተር የተገጠመላቸው አውሮፕላኖች ሁሉ ሞተራቸው ላይ ያለው ችግር ያለበት ፖርት እስኪቀየር ድረስ አውሮፕላኖቹ በገናናዎቹ የአየር ደህንነት ተቆጣጣሪዎች እንዳይበሩ መታገዳቸው ይታወቃል። ከዚህም ጋር በተያያዘ ቀድሞ መፈረም የነበረበት ወረቀት CEO አቶ ተወልደ ቢሮ ሳይፈረም ሲገላበጥ ቆይቶ የሚፈለገው መለዋወጫ በጊዜ ሳይገዛ በመቅረቱ እና ሌሎች አየር መንገዶች ቀድመው ጠራርገው በመውሰዳቸው ፖርቱ መገኘት አልቻለም። ኪሳራውም በቀን 110,000 ዶላር በላይ ይገመታል ። በዚህም ምክንያት የአውሮፕላኖቹ መቆም የፈጠረው መዘዝ እና ንትርክ ምክንያት የአውሮፕላኖቹ የሽያጭ እና ሊዝ ሚስጢር ሊታወቅ ችሏል፡፡ይሄም ያለ ጥናት ችግራቸው እየታወቀ በ CEO ትእዛዝ በመገዛታቸው በቀጥታ የአየር መንገዱን CEO ተጠያቂ አድርጎቸዋል። በዚህ ንትርክ ዉስጥ ከአየር መንገዱ የሴኪዉሪቲ ቢሮ ፊት ለፊት የሆነዉ የአቶ መስፍን (COO) ቢሮ ተሰብሮ የእነዚህን አዉሮፕላን የቴክኒክ ጉዳዮች እና ሌሎች መረጃወችን እንዲሁም የሰዉየዉን ላፕቶፕ ተሰርቋል፡፡ይህ የሆነበት አንዱ ምክንያት አቶ መስፍን እኒህን ዶክመንቶች በጥንቃቄ የያዘ ሲሆን አቶ ተወልደ ችግሩን ለማዳፈንና የቴክኒካል ጉዳዮችን ያማከረኝ አቶ መስፍን ናቸዉ ለማለት እንደሆነ ይገመታል፡፡ከዚህም በላይ አየር መንገዱ ለዉጭ አብራሪዎች የሚከፍለዉ ከፍተኛ ገንዘብ ሌላኛዉ ወጪዉ ነዉ፡፡ ስለዚህም በአመት 100 ሚሊየን ዶላር ቢያተርፍም አየር መንገዱ ያለበት በቢሊየን ዶላር የሚቆጠር እዳ መንግስት ከሚሸከመዉ አቅም በላይ ሁኖበታል፡፡

በ2010 ገደማ የአሜሪካ ኤምባሲ የኢትዮጵያን መንግስት የአየር መንገዱንና የኢትዮ ቴሌኮምን በጀትና የብድር መጠን እንዲያሳዉ በተደጋጋሚ እንደጠየቀ ዊክሊክስ ላይ የተለቀቀዉ የኢ-ሜል መረጃ ያሳያል፡፡ በጊዜዉ የንግድ ሚኒስቴር የነበረዉን መኮነን ማንያዘዋልን ኤምባሲዉ ድረስ ጠርተዉ በአየር መንገዱ የብድር መጠን ላይ ጥርጣሬ ስላለን በጀቱን እንዲሰጣቸዉ ቢጠየቅም፡፡ የአየር መንገድ የፋይናንስ ጉዳይ ማንም አያዉቅም ስለዚህም መረጃ የለኝም የሚል መልስ እንደሰጣቸዉ ኤምባሲዉ ለስቴት ዲፓርትምንት የላከዉ ኢ-ሜል ያሳያል፡፡ የአሜሪካ መንግስት በአይ ኤም ኤፍና አለምባንክ በኩል ለኢትዮጵያ በሚሰጠዉ እርዳታ መንግስት የነዚህን ድርጅት በጀት ካላሳወቀ እንዲያዝ እንደሚያደርግ ገልጾ ነበር፡፡

Source activisit

ለማይቀረው ለውጥ በህብረት እንነሳ!(የአርበኞች ግንቦት 7 ከፍተኛ አመራር አቶ ነዓምን ዘለቀ)

Standard

የኢትዮጵያ ህዝብ ከፋሽስቱ ህዝባዊ ወያኔ ሓርነት ትግራይ ነፍሰ ገዳዮች ጋር እያደረገ በሚገኘው የሞት ሽረት ትግል߹ የህዝቡን ትግል ለማገዝ በሀገር ውስጥ ባሉን መስመሮች ሁሉ ማስተላለፍ የሚገባን ወቅታዊ መልእክት !

በህዝባዊ ወያኔ ሓርነት ትግራይ የበላይነት ስር የሚገኘው አገዛዝ የኢትዮጵያ ህዝብ እየጠየቀ ፣ እየቆሰለ እና እየሞተለት የሚገኘውን የስርዓት ለውጥ ትግል ለማዳፈን߹ በአሁኑ ወቅት ህወሓት እየወሰዳቸው የሚገኙት እርምጃዎች በዋነኝነት ወደ ሀቀኛ ዴሞክራሲያዊ ፣ የፍትህ፡ የእኩልነት ስርአት የሚደረገውን የሽግግር ሂደት ለማስቆም ነው። የኢትዮጵያን ህዝብ የበታች አድርጎ የኖረው የህወሓት የዘርፋ ስርአት በህዝቡ የእንቢተኝነት ትግል ምክንያት ሊቀጥል ፈፅሞ እንደማይችል ወያኔዎች ስለተረዱ ህዝቡን በማፈን እና በመርገጥ ጊዜ ለመግዛት አልመውና አቅደው የአስቸኳይ ጊዜ አዋጁን እንዳወጁ ለእያንዳንዱ ኢትዮጵያዊ ግልጽ መሆን አለበት።

ከ100 ሚሊዮን የኢትዮጵያ ህዝብ ውስጥ 6% ብቻ የሆነውን የትግራይን ህዝብ እንወክላለን የሚሉ ጥቂት ወንበዴዎች በኢትዮጵያ ውስጥ በሁሉም በመንግስታዊ ተቋማት߹ በፓለቲካ߹በኢክኖሚ߹በንግድ߹በወታደራዊና በደህንነት፡ እንዲሁም መንግስታዊና መንግስታዊ ባልሆኑ ተቋማት ውስጥ አይናቸውን በጨው ታጥበው፣ ቅንጣትም እንኳን ሐፍረትም ሆነ ይሉኝታ በሌለው አሳፋሪ ሁኔታ የህወሓት ትግራዮች የበላይነት ማስፈናቸው ብቻ’ሳይሆን በክፋትና በጭካኔ እንዲሁም በወንጀል የሃገራችንን እና የህዝባችንን ሃብትና ንብረት በመዝረፍ የከበሩ እና የደለቡ ጉጅሌዎች ናቸው። የህዝባዊ ወያኔ ሓርነት ትግራይ መሪዎች ፣ አባላትና ደጋፊዎቻቸው እየመጣ ያለው የለውጥ ማእበል በፍጹም ሊዋጥላቸው ሆነ ሊቀበሉት እንደማይችሉ ሰሞኑን በኦሮሞ ህዝብ ላይ የከፈቱት ሽብር፡ በነቀምት፡ በጉደር፡ በአምቦ፡ በደምቢ ዶሎ በህጻናት፡ በታዳጊ ልጆች በሃይማኖት ሰባኪ ሰላማዊ ዜጎች ላይ የተወሰዱ ዘግናኝና አሰቃቂ ግድያዎች በላይ ሌላ ማረጋገጫ የሚያስፈልገው አይደለም።

ህዝባዊ ወያኔ ሓርነት ትግራይ የአስቸኳይ ጊዜ አዋጅ በሚል የህጋዊነትን ጭንብል በመጠቀም ለነጻነቱ ቆርጦ የተነሳውን ህዝብ እየጨፈጨፍን ፣ እያሰርን ፣ እየገደልን ፣ አንገቱን እናስደፋዋለን በሚል ግብና ስሌት በተጭበረበረና በተሰረቀ ድምጽ አዋጁን ማጽደቃቸው ለሁሉም ኢትዮጵያዊ ግልጽ መሆን ያለበት መሰረታዊ ነጥብ ነው።

የኢትዮጵያ ህዝብ የጀመረውን ትግል ያለ የሌለ ሃይሉን አስተባብሮ በህወሓት የተጫነበትን አዋጅ እንዲሰብር ሁሉም በኢትዮጵያ ውስጥ የሚገኙ የማህበረስብ ክፍሎች እንዲሁም በውጭም በውስጥም የሚገኙ የዴሞክራሲያዊ ሃይሎች፡ አክቲቪስቶች፡ የሲቪክ ማህበራት የተቀናጀ ርብርብ ማድረግ ያለባቸው ወሳኝ ጊዜ ነው።

1- እያንዳንዱ ኢትዮጵያዊ በግልም በቡድንም ከህወሓት ገዳዮች ራሱንና ቤተሰቡን ለመከላከል ከሚያምናቸው ጓዶቹ ጋር በመሆን ራሱን ማደራጀትና በተቻለው ሁሉ ማስታጠቅ የሚገባው ወቅት አሁን ነው ። ራስን ለመከላከል የሚሆን የትግል ሥነሥርዓት እና የስልጠና ቁሳቁስ የማሟላቱ ስራ የሁላችንንም ርብርብ ይጠይቃል።

የሥርዓቱን የመጨቆኛ ተቋማትና መሣሪያዎችን ከጥቅም ውጭ ለማድረግ በአራቱም ማእዘናት ለሚገኙ አርበኞች እና ታጋዮች መረጃዎችን የማስተላለፊታው ጊዜው አሁን ነው!

በኦሮሞ፣ አማራ፣ በጋምቤላ፣ በአፋር፣ በሶማሌ፣ በደቡብና በአጠቃላይ በመላው ኢትዮጵያ በአራቱም አቅጣጫ በሚገኙ የህወሓት ኮማንድ ፓስት ላይ የሽምቅና የደፈጣ ጥቃቶች ማድረግ ፡ ለህወሓት ልዩሃይሎችና ለአጋዚ ገዳዮች የሚውል ቀለብ፣ ነዳጅ፣ መሳሪያ በሚያጓጉዙ ተሽከርካሪዎች ላይ የአሻጥር እርምጃዎች መወሰድ፣ ማውደም እንዲሁም የኮማንድ ፓስት ገዳዩች እንዳይገናኙና ከቦታ ወደ ቦታ እንደልባቸው እንዳይጓጓዙ በኢትዮጵያ በአራቱም አቅጣጫ የሚገኙ ዋና ዋና መንገዶችን ጎንደር – መተማ- ጎንደር- አዲስ አበባ፣ ባህር ዳር -አዲስ አበባ- ጎንደር – መቀሌ፣ ወሎ- መቀሌ፣ ጂቡቲ- አዋሽ። አዋሽ- አዲስ አበባ- ሞያሌ አዲስ አበባ የሚያዋስኑትን መንገዶች መዝጋት። ዛሬ እዚህ ነገ እዚያ የመንገዶቹ ነጥቦች ላይ በማድረግ የወያኔ አጋዚ ነፍሰ ገዳዮች ሁሉንም መንገድ ለመሸፈን አይችሉም ፡፡ በሁሉም መንገዶች ላይ በኮንቮይ ማሰማራት አቅምና የሰው ሃይል አይኖራቸውም።

የታጠቁና አቅሙ ያላቸው የነጻነት ታጋዮችና ቡድኖች ሁሉ የወያኔን ነፍሰ ገዳዮች ለመበታተን የአስቸኳይ ጊዜ አዋጁን ለማክሸፍ፣ ስርአቱንም ለማሽመድመድ ትልቁ ትኩረታችን ሊሆን የሚገባው በቁጥር3 ላይ የሚገኘው በመሆኑ በሁሉም መስመሮች ይህን መልእክት የማስተላለፍ ስራ ሁላችንም እንሰራ።

5.የወያኔ ገዳዮች የጭነት ተሽከርካሪዎችና የነዳጅ ቦቴዎች ከጥቅም ውጭ እንዲሆኑ በተደራጀና በተጠና መንገድ የማውደም ተግባራት ማድረግ።

6.በየአካባቢው የወያኔ ንብረት የሆኑ ተቋማት ላይ ጥቃት በመፈጸም ኢኮኖሚውን ማሽመድመድ ። የኤፈርት እንዲሁም የታወቁና የተጠኑ የወያኔ ንብረቶች ላይ በአማራ፣ በአፋር፣ በጋምቤላ፣ በኦሮሞ ክልሎች የሚደረጉ ጥቃቶች በጥናትና በመረጃ ላይ ተመሰርቶ ተጠናክሮ መቀጠል አለበት።l

7.የኢህአዴግ አባል ድርጅቶች የመካከለኛና የታችኛው እርከን አባላት ከህወሓት መነጠል እንቅስቃሴ በየክልሉ እንዲሰራ ህዝቡ ላይ ከፍተኛ ግፊት ማድረግ፣ ይህን ለማድረግ ፈቃደኛ ባልሆኑ የኢህአዴግ አባላት ህዝቡ እንቅሮ እንዲተፋቸው፣ የህዝብ ውጉዝ ከማአርዮስ እንዲደርሳባቸው߹ ከማህበራዊም ሆነ ከሁሉም አይነት ግንኙነት እንዲያገላቸው߹ የህወሓት ሎሌና አስፈጻሚና ፈጻሚ ገዳዮች ላይ እርምጃ እንዲወስድባቸው በሁሉም አካባቢዎች ጠንክረን በስፋት መሰራት አለበን።

8.በወያኔ ሓርነት ትግራይ የበላይነት ስር የሚገኘው የመከላከያ ሠራዊትም ሆነ በየክልሉ የሚገኙ የደህነት አባላት ሁሉ ከህወሓት በኋላ የሚመጣው ሥርዓት ለእነሱም የሚበጅ መሆኑን ሁሉም

ኢትዮጵያዊ የተለያዩ መንገዶችን በመጠቀም ማስተላልፍ ። በዘረፋና በዘረኝነት በላዩ ላይ የተንሰራፉትን የወያኔ ሓርነት ትግራይ ጀነራሎችና መኮንኖች የስልጣን እድሜ ለማራዘም የመከላከያ ሰራዊት አባላት በወገኖቻቸው ከወንድምና እህቶቻቸው ፤ ከወላጆቻችሁ ጋር ደም ለማፍሰስ የሚያደርጉትን እንቅስቃሴ አንቀበልም ብለው መሳሪያቸውን ወደ ዘራፊ፣ ጨካኝና ዘረኛ ወደሆኑት የህወሓት ጀነራሎች እና ወታደሮቻቸው [የወያኔ ትግሬዎች ልዩ ሃይልና አጋዚ] ላይ እንዲያዞሩ የኦሮሞ፡ የአማራ፡ የደቡብ፡ የአፋር፡ የጋምቤላና የሌሎችም ማህበረሰቦች እናቶች߹ አባቶች߹ ወንድሞች ߹ እህቶች በሰራዊት ውስጥ ለሚገኙ ዘመዶቻችው ይህን መልእክት በሚያገኙትመስመሮች ሁሉ የማስተላልፍ ተግባር በስፋትና በአፋጣኝ መሰራት አለበን!! ይህን ወቅታዊ መልክት በማስተላለፍ ይተባበርሩ። እናመሰግናለን!

(ኢሳት ዲሲ–የካቲት 26/2010)

Standard

ህገወጡን የአስቸኳይ ጊዜ አዋጅ በመቃወም ለ3ቀናት የተጠራው በቤት ውስጥ የመቀመጥና የስራ ማቆም አድማ በመላው የኦሮሚያ ክልል በመካሄድ ላይ ነው። በአዲስ አበባ ዙሪያ በምዕራብ ሸዋ፣ በወለጋ፣ በሀረርጌ፣ በአርሲ፣ በባሌና በሌሎች አካባቢዎች ዛሬ የተጀመረው አድማ የንግድና የትራንስፖርት እንቅስቃሴውን ሙሉ በሙሉ እንዲቋረጥ ማድረጉ ታውቋል። በአዲስ አበባ አውቶቦስ ተራዎች ጭር ብለው ውለዋል። ከጅማ ወደ አዲስ አበባ በወታደራዊ አጀብ እየመጣ ያለ የህዝብ ማመላለሽ አውቶቡስ አሰንዳቦ ላይ ጥቃት ደርሶበታል። በርካታ መንገዶች በመዘጋታቸው ወደ አዲስአበባ የሚመጡ ተሽከርካሪዎች መንቀሳቀስ እንዳልቻሉ ታውቋል። ከአዲስ አበባ ጀምሮ በአራቱም አቅጣጫዎች በሚገኙ የኦሮሚያ ክልል ከተሞች አድማው ሙሉ በሙሉ መመታቱን መረጃዎች አመልክተዋል። በአዲስ አበባ ዙሪያ በለገጣፎ፣ ቡራ፣ ሰበታ፣ ፉሪ፣ ዓለምገናና ሌሎች የኦሮሚያ ልዩ ዞን ከተሞች አድማው በስፋት ከተመታባቸው አካባቢዎች የሚጠቀሱ ናቸው። በወሊሶ መስመር እስከጅማ ድረስ ባሉ ከተሞች አድማው በተጠናከረ ሁኔታ በመካሄድ ላይ መሆኑን ለማወቅ ተችሏል። ዛሬ የአዲስ አበባ አውቶቡስ ማቆሚያዎች ጭር ብለው እንደዋሉም የደረሰን መረጃ አመልክቷል። በቤት ውስጥ መቀመጥና የስራ ማቆም አድማው በጂማና አጋሮ ከትላንት ጀምሮ መመታቱን መረጃዎች ያመለክታሉ። ትላንት ጅማ በርካታ ሱቆችና መደብሮች የተዘጉ ሲሆን ዛሬ ቀሪዎቹ ተቀላቅለው አድማው ሙሉ በሙሉ በመካሄድ ላይ መሆኑ ታውቋል። ምዕራብ ኢትዮጵያ ሙሉ በሙሉ አድማ እየተካሄደ መሆኑንም የሚያመለክቱ መረጃዎች ለኢሳት ደርሰውታል። በመቱ ዛሬ ሱቆችና መደብሮች ተዘግተዋል። የትራንስፖርት አገልግሎት ተቋርጧል። ትላንት ከአዲስ አበባ የወጡ የህዝብ ማመላለሺያና ሌሎች ተሽከርካሪዎች በጊቤ በረሃ አበንቲ በሚባል ቦታ እንዲቆሙ ተደርገዋል። በወታደራዊ ጥበቃ ከጅማ የተነሳ አንድ የህዝብ ማመላለሺያ አውቶቡስ አሰንዳቦ ከምትባል አነስተኛ ከተማ ሲደርስ በህዝብ በተወሰደበት ርምጃ መስታወቱ መሰባበሩ ታውቋል። በመንገደኞች ላይ የደረሰ ጉዳት እንደሌለም ተገልጿል። በምዕራብ ሸዋ ባለፈው ቅዳሜ የተጀመረው አድማ የቀጠለ ሲሆን በአምቦ፣ ጉደርና ጊንጪ የንግድና የትራንስፖርት አገልግሎት ተቋርጧል። ዋና ዋና መንገዶች ተዘግተዋል። በወለጋም በበርካታ ከተሞች አድማ እየተካሄደ ነው። በጊምቢና ነጆ የተጠናከረ ሲሆን ነቀምትም ከእንቅስቃሴ ውጪ ሆና ውላለች። በምስራቅና ምዕራብ ሀረርጌም በተመሳሳይ የስራ ማቆምና በቤት ውስጥ የመቀመጥ አድማ ተደርጓል። ከአዲስ አበባ ወደ ድሬዳዋ የሚወስደው መንገድ የተዘጋ ሲሆን የመከላከያ ሰራዊት መንገዱን ለማስከፈት እየሞከረ መሆኑን የደረሰን መረጃ ያመለክታል። በሌላ በኩል የህዝብ ማመላለሻ ተሽከርካሪዎች ስራ እንዲጀምሩ ሾፌሮች በወታደሮች እየተገደዱ መሆኑን ለኢሳት በደረሰ መረጃ ላይ ተመልክቷል። ሾፌሮቹ ግን ዋስትና የለንም በማለት ማስፈራሪያውን አልተቀበሉትም። በተያያዘ ዜና ወልቂጤም አድማውን በመቀላቀል ከእንቅስቃሴ ውጭ ሆና መዋሏ ታውቋል። ከሳምንት በፊት ለ8ቀናት የቆየ አድማ በመታችው ወልቂጤ ዛሬም ንግድ ቤቶች ተዘግተው እንደነበር ተገልጿል። አንድ ታንክ ወልቂጤ ከተማ ላይ መታየቱን የገለጸው ወኪላችን ከፍተኛ ቁጥር ያላቸው የአጋዚ ወታደሮችም ወደ አካባቢው መሰማራታቸውን ጠቅሷል። በሌላ በኩል ከአድማው ጋር በተያያዘ በጅጅጋ የንግድ እንቅስቃሴው በመቋረጡ ህዝቡ በምግብ እጥረት ችግር ላይ መውደቁን ለማወቅ ተችሏል። በዚህም ከፍተኛ የኢኮኖሚ ቀውስ መፈጠሩም ታውቋል።