የታጋይ አንዳርጋቸው ፅጌን ቃለ-ምልልስ ከእንባ ጋር ግብ-ግብ እየገጠምን አደመጥነው

Standard

በደህንነቱ ጌታቸው አሰፋ ልጆች የምድር ስቃይ እንዲቀበል ከተደረገባቸው ቦታዎች አንዱ ጊዮን ሆቴል በሚገኝ ምድር ቤት ውስጥ አንደነበርም ሐዘን እየናጠን ሰማን ።

.

አስገራሚ ነው ። ግዮን ሆቴል ፦ ከላይ በተነቆጠቆጡ ሳሎኖች አለማቸውን የሚቀጩና የሚደነክሩ ፤ ከስር በሚገኝ ጨለማ ክፍል ውስጥ ደግሞ አንዳርጋቸውን የመሰሉ ዘግናኝ ስቅየትን የሚቀበሉ ዜጎች የሚገረፉበት ስፍራ ። ያን የመሰለ በአትክልቶች የተዋበ ምድረ-ገነት ግዮን ሆቴል ፤ ያን የመሰለ በፍቅር የጦፉ ፍቅረኞችና የነገ ተስፋ ሕፃናቶች የማቦርቁበት መስክና የውሃ ገንዳ ያዘለ የመዝናኛ ስፍራ በስሩ ጉድ ይዟል ለካ ?

.

የጀርመኑ ሒትለር ሚስጥራዊ የፖሊስ ተቋም የነበረው (Gestapo)

አይሁዶችንና ” ጠላት ” የሚላቸውን ዜጎች አብዛኛውን ጊዜ አካላቸውን እየከተፈና እየበለተ የሚመረምረው ከመደበኛው የሀገሪቱ እስር ቤቶች ውጪ ባሉ ሆቴሎች ፣ ሆስፒታሎች ፣ የበጎ አድራጎት ሕንፃዎችና የማሕበረሰቡ መገልገያ የተለያዩ ተቋማቶች ውስጥ እንደነበር ያነበብናቸው ታሪኮች ነግረውናል ።

.

የሕወሓቱ ደህንነት ሐላፊ አቶ ጌታቸው አሰፋ ….. የናዚውን Gestapo መሪ የነበረውን የሄነሪክ ሙለርን መርህና የስቅየት ዘዴን ከነስፍራው ጭምር የተጠቀመ ስለመሆኑ የምንሰማቸው ታሪኮች እያስረዱን ነው ።

.

የጊዜ ጉዳይ ነው እንጂ ገና እየተሳቀቅን ፣ እጃችንን በአፈችን ጭነን እየተገረምን የምንሰማቸው የስቅየትና የግፍ ትርክቶችን እንሰማለን ።

.

ማን ያውቃል … ከማሰቃያው ስፍራ ብዙነት ፣ ከአሰቃዮቹና ከአዛዦቹ ብዛት የተነሳ ልክ እንደጀርመኖቹ በአንዱ ጨለማ ክፍል ተረስተው ከነሰንሰለታቸው ደርቀው የቀሩ ዜጎች እንዳሉስ ?…..ማንም አያውቅም ። ጊዜ ግን እነዚህንም ያሳውቀናል ።

Advertisements

ለጥንቃቄ፤ ከህወኃት የሴራ ጨዋታዎች አንዱን እነሆ

Standard

ቀትር ላይ በኢትዮ ኤርትራ ጉዳይ ህወኃት የሰጠችውን መግለጫ ፋና ሲዘግበው ሰማሁ፡፡ የዜናው ሀሳብ በጥቅሉ፣ የትግራይ ሕዝብም ሆነ ህወኃት ከኤርትራ ጋር የነበረው ሠላም እንዲመለስ ለብዙ አመታት ሲጥሩ እንደኖሩና የአሁኑ የመንግሥት ውሳኔም የዚያ ጥረት ዋና አካል በመሆኑ ከልብ መደሰታቸውን፣ የሚገልፅ ነው፡፡ አቤት ቅጥፈት! ጉድ ነው መቼም! እስቲ መቼና የቱጋ ነው አሁን፣ ህወኃት ከኤርትራ ጋር ሠላም እንዲሰፍን ሲጥር የከረመው?

ለማንኛዎም ከህወኃት ዋና የተንኮል መተግበሪያ ሴራዎች አንዱ እንዲህ ያለው ተግባር ነው፡፡ ሕዝብ ለእነሱ ያለውን ጥላቻና ተቃርኖ ስለሚያውቁ፤ ሕዝብ እንዲቃወመው የሚፈልጉትን ነገር እነሱ በጣም የወደዱት ወይም ያደነቁት መስለው ይቀርባሉ፡፡ ሕዝቡ ያኔ ነገሩን አምርሮ ይጠላዋል፣ ይጠየፋዋል፣ ይቃወመዋል፡፡ ይቺ ብዙ የበሉባት ወጥመዳቸው ናት፡፡

የዚች ሴራ ሰለባ ከሆኑ ጉልህ ሀገራዊ ክስተቶች መካከል የ97ቱ የቅንጅት፣ ፓርላማ እንግባ አንግባ ክርክር በዋቢነት ይጠቀሳል፡፡ ህወኃቶች ቅንጅት ምክር ቤት እንዳይገባ ስለፈለጉ፣ አውቀው የቅንጅት ፓርላማ መግባት ለእነሱ ከፍተኛ ጥቅም ያለው በማስመሰል ቀርቡ፡፡ ሕዝቡም ይኼን ሀሰተኛ የህወኃት/ኢሕአዴግን ተንኮል ሳይረዳ፣ ቅንጅት ፓርላማ እንዳይገባ ከፍተኛ ጫናውን አሳደረ፡፡ ያው በዚህና በተያያዙ ሌሎች ብዙ ምክንቶች ነገሩ ሁሉ ብልሽሽቱ መውጣቱ ይታወሳል፡፡

አሁንም ህወኃቶች በጠ/ሚ አብይ አካኼድ ደስተኞች አይደሉም፡፡ ስለዚህ በጠ/ሚሩ ላይ በቀላሉ የሕዝብ ልብ መሻከርን ለመፍጠር፣ ዶ/ር አብይ በእነሱ ፍላጎት የተሾመና በእነሱ ዕዝ የሚመራ የራሳቸው ዋና ሰው እንደሆነ ለማስመሰል ይጥራሉ፡፡ የሆነውን ሁሉ እያየንም ቢሆን፣ መቼም ሁሏንም ነገር በአንዴ ወደተቃውሞ መቀየር ስለለመደብን፣ አንዱ ሰው ይቺን ጫፍ ይዞ “ይኸው አላልናችሁም አቶ አብይ የህወኃት አሻንጉሊት ናቸው” ብሎ ያውጃል፡፡ በቃ ከዚያ በኋላ ጭቅጭቅ በጭቅጭቅ፡፡ ለማንኛውም እኛ ተናግረናል፡፡ ጠንቀቅ ማለት ጥሩ ነው፡፡ ይሰማል?!

የረመዳኑ ጥቃት ቀጥሏል

Standard

ከአዲስ አበባ ከቃሊት መናኸሪያ አካባቢ በተለምዶ በተለምዶ ቶታል መስጊድ ተብሎ በሚጠራው አካባቢ ሰጋጁን ለማወክ የወረዳ ባለስልጣናት አየጣሩ ነው ሲሉ የመስጊዱ ተገልጋዮች ለቢቢኤን ገለጹ።

ከቶታል መስጅድ አተገብ ያለምንም ግንባታ የታጠረች ባዶ ቦታ አለች የሚሉት የመስጊዱ ተጠቃሚዎች የታጠረቸው ቦታ ምእንኑን መፈናፈኛ ያሳጣች ናት ሲሉ ይወቅሳሉ።የታጠረችው ቦታ ለቶታል መስጊድ እንትሰጥ ለሚመለከታቸው የመንግስት እካት ጥያቄ ቢቀርብም ተገቢው ምላሽ አለመገኘቱ ታዉቋል።

የመስገጃ ቦታ የሚሞላ በመሆኑ በቦታዋ እንስገድ የሚል ጥያቄ ለሚመለከታቸው አካላት ቢቀርብም በጎ ምላሽ ሳይሆን «በኮማንድ ፖስቱ እናሳስራችሗለን»የሚል ዛቻ ቀቦብናል ሲሉ ለጉዳዩ ቅርበት ያላቸው ወገኖች ያስረዳሉ።

በባዶ ቦታዉ ላይ በወርሃ ረመዳን የጁመዓ ሰላት እንዲሰገድበት ተፌዴራል የሐይማኖት ተቋምና የ አዲስ አበባው ፍትህ ቢሮ ለክፈለ ከተማዉ አስተዳደር ደብዳቤ ቢጽፉም፤ አስተዳደሩ ደብዳቤውን አልቀብልም በማለት ም እምኑን አሳፋሳለሁ በማለት ሲዝቱ እንደነበር የመስጊዱ ተገልጋዮች ለቢቢኤን አሳውቀዋል።

በም እምኑና በከተማው መስተዳደር መካከል ፍጥጫው ደርቷል። የክፍለ ከተማው መስተዳድር መስጊዱ ሞልቶ ሰጋጁ ባዶ ቦታዉ ላይ ከሰገደ ፖሊስን በመጥራት እርምጃ ወስዳለሁ በማለት እያስፈራሩ መሆናቸውን የሚገልጹት ምእምናን ስጋት ላይ መሆናቸውን አሳውቀዋል።

(ኢሳት ዲሲ–የካቲት 26/2010)

Standard

ህገወጡን የአስቸኳይ ጊዜ አዋጅ በመቃወም ለ3ቀናት የተጠራው በቤት ውስጥ የመቀመጥና የስራ ማቆም አድማ በመላው የኦሮሚያ ክልል በመካሄድ ላይ ነው። በአዲስ አበባ ዙሪያ በምዕራብ ሸዋ፣ በወለጋ፣ በሀረርጌ፣ በአርሲ፣ በባሌና በሌሎች አካባቢዎች ዛሬ የተጀመረው አድማ የንግድና የትራንስፖርት እንቅስቃሴውን ሙሉ በሙሉ እንዲቋረጥ ማድረጉ ታውቋል። በአዲስ አበባ አውቶቦስ ተራዎች ጭር ብለው ውለዋል። ከጅማ ወደ አዲስ አበባ በወታደራዊ አጀብ እየመጣ ያለ የህዝብ ማመላለሽ አውቶቡስ አሰንዳቦ ላይ ጥቃት ደርሶበታል። በርካታ መንገዶች በመዘጋታቸው ወደ አዲስአበባ የሚመጡ ተሽከርካሪዎች መንቀሳቀስ እንዳልቻሉ ታውቋል። ከአዲስ አበባ ጀምሮ በአራቱም አቅጣጫዎች በሚገኙ የኦሮሚያ ክልል ከተሞች አድማው ሙሉ በሙሉ መመታቱን መረጃዎች አመልክተዋል። በአዲስ አበባ ዙሪያ በለገጣፎ፣ ቡራ፣ ሰበታ፣ ፉሪ፣ ዓለምገናና ሌሎች የኦሮሚያ ልዩ ዞን ከተሞች አድማው በስፋት ከተመታባቸው አካባቢዎች የሚጠቀሱ ናቸው። በወሊሶ መስመር እስከጅማ ድረስ ባሉ ከተሞች አድማው በተጠናከረ ሁኔታ በመካሄድ ላይ መሆኑን ለማወቅ ተችሏል። ዛሬ የአዲስ አበባ አውቶቡስ ማቆሚያዎች ጭር ብለው እንደዋሉም የደረሰን መረጃ አመልክቷል። በቤት ውስጥ መቀመጥና የስራ ማቆም አድማው በጂማና አጋሮ ከትላንት ጀምሮ መመታቱን መረጃዎች ያመለክታሉ። ትላንት ጅማ በርካታ ሱቆችና መደብሮች የተዘጉ ሲሆን ዛሬ ቀሪዎቹ ተቀላቅለው አድማው ሙሉ በሙሉ በመካሄድ ላይ መሆኑ ታውቋል። ምዕራብ ኢትዮጵያ ሙሉ በሙሉ አድማ እየተካሄደ መሆኑንም የሚያመለክቱ መረጃዎች ለኢሳት ደርሰውታል። በመቱ ዛሬ ሱቆችና መደብሮች ተዘግተዋል። የትራንስፖርት አገልግሎት ተቋርጧል። ትላንት ከአዲስ አበባ የወጡ የህዝብ ማመላለሺያና ሌሎች ተሽከርካሪዎች በጊቤ በረሃ አበንቲ በሚባል ቦታ እንዲቆሙ ተደርገዋል። በወታደራዊ ጥበቃ ከጅማ የተነሳ አንድ የህዝብ ማመላለሺያ አውቶቡስ አሰንዳቦ ከምትባል አነስተኛ ከተማ ሲደርስ በህዝብ በተወሰደበት ርምጃ መስታወቱ መሰባበሩ ታውቋል። በመንገደኞች ላይ የደረሰ ጉዳት እንደሌለም ተገልጿል። በምዕራብ ሸዋ ባለፈው ቅዳሜ የተጀመረው አድማ የቀጠለ ሲሆን በአምቦ፣ ጉደርና ጊንጪ የንግድና የትራንስፖርት አገልግሎት ተቋርጧል። ዋና ዋና መንገዶች ተዘግተዋል። በወለጋም በበርካታ ከተሞች አድማ እየተካሄደ ነው። በጊምቢና ነጆ የተጠናከረ ሲሆን ነቀምትም ከእንቅስቃሴ ውጪ ሆና ውላለች። በምስራቅና ምዕራብ ሀረርጌም በተመሳሳይ የስራ ማቆምና በቤት ውስጥ የመቀመጥ አድማ ተደርጓል። ከአዲስ አበባ ወደ ድሬዳዋ የሚወስደው መንገድ የተዘጋ ሲሆን የመከላከያ ሰራዊት መንገዱን ለማስከፈት እየሞከረ መሆኑን የደረሰን መረጃ ያመለክታል። በሌላ በኩል የህዝብ ማመላለሻ ተሽከርካሪዎች ስራ እንዲጀምሩ ሾፌሮች በወታደሮች እየተገደዱ መሆኑን ለኢሳት በደረሰ መረጃ ላይ ተመልክቷል። ሾፌሮቹ ግን ዋስትና የለንም በማለት ማስፈራሪያውን አልተቀበሉትም። በተያያዘ ዜና ወልቂጤም አድማውን በመቀላቀል ከእንቅስቃሴ ውጭ ሆና መዋሏ ታውቋል። ከሳምንት በፊት ለ8ቀናት የቆየ አድማ በመታችው ወልቂጤ ዛሬም ንግድ ቤቶች ተዘግተው እንደነበር ተገልጿል። አንድ ታንክ ወልቂጤ ከተማ ላይ መታየቱን የገለጸው ወኪላችን ከፍተኛ ቁጥር ያላቸው የአጋዚ ወታደሮችም ወደ አካባቢው መሰማራታቸውን ጠቅሷል። በሌላ በኩል ከአድማው ጋር በተያያዘ በጅጅጋ የንግድ እንቅስቃሴው በመቋረጡ ህዝቡ በምግብ እጥረት ችግር ላይ መውደቁን ለማወቅ ተችሏል። በዚህም ከፍተኛ የኢኮኖሚ ቀውስ መፈጠሩም ታውቋል።

ጀግናዋ ንግስት ይርጋ በእስር ቤት ስለተፈጸመባት ግፍ እንዲህ ብላ ነበር

Standard

1. በማዕከላዊ ወንጀል ምርመራ እስር ቤት በቀዝቃዛና በጨለማ ክፍል ውስጥ ለረጅም ቀናት አስረውኛል፡፡

2. ያለማንም ጠያቂ፣ ያለሁበት ሁኔታ ሳይታወቅ ታፍኜ ለሳምንታት እንድቆይ ተደርጌያለሁ፡፡

3. በማታ ለምርመራ በሚል ከታሰርሁበት ክፍል እያስወጡ ሰብዓዊ ክብሬን በሚያዋርዱ ተግባራትና ማሰቃየት ተፈጽሞብኛል፡፡

4. ክብሬን የሚነኩ፣ በማንነቴ ላይ የተመሰረቱ ስድቦች ተሰድቤያለሁ፡፡

5. ሴትነቴን ተመስርተው ጥቃት ፈጽመውብኛል፤ ሴት ሁኜ መፈጠሬን እንድትጠላ የሚያደርጉ ተግባራትን ፈጽመውብኛል፡፡

6. እርቃኔን አቁመው ተሳልቀውብኛል፡፡

7. የእግር ጥፍሮቼን መርማሪዎቼ ነቃቅለዋቸዋል፡፡ ጥፍሮቼን ከነቀሉ በኋላም ጥፍሮቼ የነበሩበትን ቦታ ቁስል እየነካኩ አሰቃይተውኛል፡፡

8. ጸጉሬን በመንቀልም የኢ-ሰብዓዊ ተግባር ሰለባ አድርገውኛል፡፡

9. ክስ ተመስርቶብኝ ቃሊቲ ከተዛወርሁም በኋላ የሰብዓዊ መብት ጥሰቱ አልቆመም፡፡ ጠያቂ ገደብ ተጥሎብኛል፡፡ እኔን መጠየቅ የሚችለው ቀድሞ ስም ዝርዝራቸው ለእስር ቤቱ አስተዳደር የታወቁ የቤተሰብ አባላት ብቻ ናቸው፡፡

ይህችን የዘመናችን ጀግና “ኮርተንብሻል” ከማለት ውጭ ምን እንበላት?

አዋጁ ማንኛውንም የኃይል እርምጃዎች የመውሰድ መብት እንዳለው ተነገረ BBN

Standard

ትላንት ይፋ የተደረገው የአስቸኳይ ጊዜ አዋጅ፤ ማንኛውንም የኃይል እርምጃዎች የመውሰድ መብት እንዳለው ተገለጸ፡፡ የሚኒስትሮች ምክር ቤት ይፋ አደረገው የተበላውን ይኸው አዋጅ አስመልክቶ በዛሬው ዕለት ማብራሪያ የሰጡት የመከላከያ ሚኒስትሩ አቶ ሲራጅ ፈጌሳ፣ አዋጁ በሚተገበርበት ወቅት የሚወሰዱ እርምጃዎችን ዘርዝረዋል፡፡ አዋጁ በስራ ላይ በሚቆይባቸው ቀጣይ ስድስት ወራት፣ ሰላማዊ ሰልፍ ማድረግ፣ በቡድንም ሆነ በግለሰብ ደረጃ ትዕይን ማሳየት ወይም ተቃውሞን በምልክት መግለጽ፣ ጹሁፍ ማሳተም፣ መደራጀት፣ በቡድን ሆኖ መንቀሳቀስ እና ሌሎች ጉዳዮችን መከወን እንደሚያሳስር ተናግረዋል፡፡ እነዚህን ክልከላዎች ተላልፎ የተገኘ ሰው ያለ ፍርድ ቤት ትዕዛዝ እንደሚታሰርም መከላከያ ሚኒስትሩ ገልጸዋል፡፡

አገዛዙ አዋጁን ተገን በማድረግ፣ ማንኛውም መገናኛ ዘዴ ማለትም ማኅበራዊ ሚዲያዎችን ጨምሮ ሌሎች የመገናኛ ዘዴዎችን በፈለገው ሰዓት ሊዘጋ እንደሚችል የገለጸ ሲሆን፤ በሌላ በኩልም መንገድ ላይ የሚንቀሳቀስ ሰውም ሆነ ተሽከርካሪ በማንኛውም ሰዓት ፍተሻ ሊደረግበት እና በእጁ ላይ የተገኙ ንብረቶች ኤግዚቢት ሊደረጉ እንደሚችሉ አገዛዙ አሳውቋል፡፡ በአዋጁ ወቅት መደረግ የለባቸውም ተብለው የተዘረዘሩት ጉዳዮች በርካታ ሲሆኑ፤ በአጠቃላይ ግን አዋጁ ከመተንፈስ ውጭ ያሉ እንቅስቃሴዎችን በሙሉ አግዷል ለማለት እንደሚቻል መግለጫውን የተከታተሉ ወገኖች ተናግረዋል፡፡

የዚህ አዋጅ መመሪያ፣ ከዚህ ቀደም ታውጆ ከነበረው የአስቸኳይ ጊዜ አዋጅ የአፈጻጸም መመሪያ ሙሉ በሙሉ ተገልብጦ የመጣ ሲሆን፤ እንደከዚህ ቀደሙ ሁሉ ይህኛውም አዋጅ ህዝባዊ ተቃውሞዎችን በኃይል የማፈን ዓላማ እንዳለው ተነግሯል፡፡ በኢትዮጵያ እየተካሄደ ያለው ህዝባዊ እምቢተኝነት የስርዓቱን ዙፋን መነቅነቁን የሚያምኑ ወገኖች፤ ‹‹የተነቃነቀውን ዙፋን መልሶ ለማቆም የሚደረግ ጥረት ነው›› ሲሉ አዋጁ የታወጀበትን ምክንያት አስረድተዋል፡፡

ባለፈው ዓመት ታውጆ የነበረው የአስቸኳይ ጊዜ አዋጅ፣ በስራ ላይ በቆየባቸው ወራቶች፣ በወቅቱ በሀገሪቱ ውስጥ ይካሄድ የነበረውን ህዝባዊ ተቃውሞ መግታት እንዳልቻለ ይታወሳል፡፡ የተቃውሞ ድምጾችን ለማፈን በድጋሚ የወጣው ይኸኛው አዋጅም፣ የኢትዮጵያ ህዝብ ደም የገበረለትን የስርዓት ለውጥ ጥያቄ ሊያዳፍነው እንደማይችል ታዛቢዎች ይናገራሉ፡፡ ‹‹ልፋ ያለው አንድ እንጨት ያስራል›› ሲሉ የተረቱት እነዚሁ ታዛቢዎች፤ ‹‹አገዛዙ ልፋ ቢለው ነው እንጂ፣ ህዝባዊ ማዕበል በአዋጅ አይገታም!›› በማለትም ወቅታዊውን ሁኔታ አመላክተዋል፡፡ ትላንት ይፋ የተደረገው የአስቸኳይ ጊዜ አዋጅ ለስድስት ወራት እንደሚቆይ የተገለጸ ሲሆን፤ ከ15 ቀናት በኋላም የገዥው ፓርቲ ፓርላማ እንደሚያጸድቀው ለማወቅ ተችሏል፡፡

የአስቸኳይ ጊዜ አዋጁን ለማስፈጸም የተቋቋመው ኮማንድ ፖስት ይመራል የተባለው በጠቅላይ ሚኒስትሩ ሲሆን፤ በውስጡም ሌሎች አባላት አሉት ተብሏል፡፡ አባላቱም ምክትል ጠቅላይ ሚኒስትር ደመቀ መኮንን፣ የመከላከያ ሚኒስትር አቶ ሲራጅ ፈጌሳ፣ የጦር ኃይሎች ጠቅላይ ኤታማዦር ሹም ሳሞራ የኑስ፣ የብሔራዊ ደህንነት ኃላፊው አቶ ጌታቸው አሰፋ እና የፌደራል ፖሊስ ኮሚሽን ኮሚሽነር አቶ አሰፋ አብዩ ናቸው፡፡ የአዋጁን መመሪያ ከሚያስፈጽሙት ባስልጣናት መካከል ሳሞራ የኑስ፣ ጌታቸው አሰፋ እና አሰፋ አብዩ የህወሓት ሰዎች መሆናቸው ይታወቃል፡፡

U.S. says it ‘strongly disagrees’ with Ethiopia’s state of emergency

Standard

ADDIS ABABA (Reuters) – The U.S. embassy in Ethiopia said on Saturday it disagreed with the government’s decision to impose a state of emergency to calm potential unrest the day after the prime minister’s surprise resignation.

“We strongly disagree with the Ethiopian government’s decision to impose a state of emergency that includes restrictions on fundamental rights such as assembly and expression,” the statement said.

“We recognize and share concerns expressed by the government about incidents of violence and loss of life, but firmly believe that the answer is greater freedom, not less,” it said.