ካፒቴን በኃይሉ ገብሬ

Standard

ይህ ትንታግ ኢትዮጵያዊ በመቂ ከተማ የተወለደው ካፒቴን በኃይሉ ገብሬ ነው ። በአየር ኃይል ውስጥ ስመ ጥር አብራሪ ነበረ። በምርጫ 97 የተነሳውን ሕዝባዊ ተቃውሞ ተከትሎ መንግስት የወሰደውን ጭፍጨፋ በመቃወም ሰኔ 2 ቀን 1997 ዓም አንድ ተዋጊ ሂሊኮፍተር በመያዝ ወደ ጅቡቲ ይጠፋል፣ መለስ ዜናዊም የጅቡቲ መንግስት አሳልፎ እንዲሰጠው ይጠይቃል። ሆኖም ጅቡቲያውያኑ ያንገራግራሉ፣ “አባ መላ”ው መለስ ዜናዊም ወደ ጅቡቲ የሚላካውን ጫት ያስቆማል፣ ይሄኔ ጅቡቲም ያለማንገራገር አሳልፋ ሰጠችው፣ ኢህአዴግም የዕድሜ ልክ ፍርድ ፈርዶበት በዝዋይ ማረሚያ ቤት ከ13 ዓመት በላይ እየተሰቃየ ይገኛልና ይፈታ ዘንድ ሁላችንም ልንጮኽለት ይገባል።

የካቲት 10/2010ዓም

Tariku Desalegn Miki

Advertisements

በአጋሮ ከተማ መሀል አደባባይ የቆመው የአቶ መለስ ዜናዊ መታሰቢያ ሀውልት ፈረሰ። (ኢሳት ዲሲ–የካቲት 8/2010)

Standard

ፋይል የከተማዋ ቄሮ በወሰደው ርምጃ ሀውልቱ ከቆመበት እንዲወገድ መደረጉ ታውቋል። በተለያዩ የኦሮሚያ ክልል ከተሞች ህዝባዊ ተቃውሞው ቀጥሏል። በአርሲ ኢተያ በሙስሊሙና ክርስቲያኑ መካከል የሃይማኖት ግጭት ለመቀስቀስ ሙከራ እየተደረገ ነው። በጅማ አመጽ የተቀላቀለበት ተቃውሞ በመካሄድ ላይ ነው። በሸዋ ሮቢት የአጋዚ ወታደሮች ግድያ መፈጸማቸውን የደረሰን መረጃ አመልክቷል። መሃል አጋሮ ከተማ የተተከለውና ለአቶ መለስ ዜናዊ መታሰቢያ የቆመው ሀውልት በቄሮዎች ርምጃ ተወስዶበታል። ከዚህ ቀደም ሀውልቱ ላይ ቀለም በመድፋት ገጽታውን እንዲበላሽ ያደረጉት የአጋሮ ወጣቶች ዛሬ ሀውልቱን ሙሉ በሙሉ በማፈርስ አስወግደውታል።

የአቶ መለስ ዜናዊ ሀውልት በከተማችን መቆም አልነበረበትም ያሉት የአጋሮ ወጣቶች፣ ከነመጥፎ ታሪኩ ነቅለን አሰውግደናል ማለታቸውን የደረሰን መረጃ አመልክቷል። በአርሲ ኢተያ በሙስሊምና ክርስቲያን እምነት ተከታዮች መካከል ግጭት ለመቀስቀስ እየተደረገ ያለውን ሴራ ህዝቡ እንዲያከሽፈው ተጠይቋል። በኢተያ ውጥረት መንገሱን የጠቀሱት ምንጮች እስካሁን ሁለት ሰዎች መገደላቸውን ገልጸዋል። እንዲህ ዓይነት ግጭት የሚቀሰቀሰው በአገዛዙ ካድሬዎች አማካኝነት እንደሆነ የአካባቢው ነዋሪዎች ይናገራሉ። ከእርስ በእርስ ግጭት ህዝብ የሚያተርፈው ነገር ባለመኖሩ ራሱን እንዲጠብቅ የሀገር ሽማግሌዎች መልዕክት አስተላልፈዋል።

በኦሮሚያ ክልል በተለያዩ አካባቢዎች ህዝባዊ ተቃውሞ ሲደረግ መዋሉ ታውቋል። በሻሸመኔ፣ በሞጆ፣ በባሌ ሮቤና በጅማ ህዝቡ አደባባይ በመውጣት የህወሃትን አገዛዝ አውግዟል። ከስልጣን እንዲወርድም ጠይቋል። በአዲስ አበባ ዙሪያ ያለው ሁኔታም መረጋጋት እንዳላሳየ ከአካባቢው የሚወጡ መረጃዎች ያመለክታሉ። ዛሬ በለገጣፎና ሰበታ ሱቆችና መደብሮች እንደተዘጉ የዋሉ ሲሆን የአጋዚ ወታደሮች በብዛት ገብተው ነዋሪውን እያዋከቡት እንደነበር ተገልጿል።

በሃሮማያም ህዝባዊ ተቃውሞ መደረጉ ታውቋል። በጅማ ሰሞንኑ የተደረገው ህዝባዊ አመጽ ዛሬም መቀጠሉን ለማወቅ ተችሏል። በከተማዋ የተለያዩ መንደሮች መንገዶቻቸው በተቃጠሉ ጎማዎች ተዘግተዋል። ሁኔታውን ለመቆጣጠር የአገዛዙ ታጣቂዎች የሚያደርጉት እንቅስቃሴ ውጤታማ አለመሆኑም ተመልክቷል። በሌላ በኩል በሸዋ ሮቢት ከተማ በአጋዚ ወታደሮች ላይ ጥቃት ተፈጽሟል። በከተማዋ በመካሄድ ላይ ያለውን ህዝባዊ አመጽ ተከትሎ በተደረገ የተኩስ ልውውጥ ባልታወቁ ሃይሎች 3 የአጋዚ ወታደሮች መገደላቸውን መረጃዎች ያመልክታሉ።

ሀይሌ ሼም ነው እውነት የሚያሳዝን ዜና

Standard

1፦ወርቅ በሰፌድ ሳታሳፍሰን

2፦ሌጋሲውን ሳታስጨርስ

3፦ኤርትራ ሄደህ ሳታስታርቀን ይህ ቃል የገባሀው ነው

4፦አግኣዚ በኢትዮጲያ ህዝብ ላይ ማዘዝህን አትርሳ

5፦እሬቻ ላይ ላለቁት ወገኖቼ የአንተ ሚና ትልቅ ነው

6፦የኦሮሞ ህዝብ አቢዲ አሌ እየገደለ ሲያባረው አንተ እያስተዳደርክ ነው።

7፦ወልዲይ ህዝቤ ሲያልቅ ወንበርህ ላይ ነበርክ።

8፦የጎንደር ህዝብ የባህዳር ህዝብ ሲያልቅ ቤተመንግስት ልጅህን ስትድር ስትጨፍር ነበር።

9፦አንተ እድገት እያላክ ስታላዝን ንፁሁ እና ጀግና ድህነቱ ማንነቱን ያልቀየረው ኢትዮጲያውነቱን ያላስጣለው ወገን በቆሻሻ ያለቀው።

ለማንኛውም የኔ የአቋም መግለጫ ነው ባልነበረው ጠቅላይ ሚኒስትር ላይ !!

ግን እውነት ሀይሌ ዘመዶችህ ምን ይላሉ መሰለህ ምንም እማትሰራ ከሆንክ ።

ሲጠሯት ቀርታ ሲስቧት መጣች አሉ!! ወሊሶ ዛሬና ትላንት

Standard

ትላንት እና ዛሬ በወሊሶ ከተማ ከተካሄደው አድማና ተቃውሞ የምንማረው ነገር ቢኖር የዜጎችን የመሰብሰብና ሰላማዊ ሰልፍ የማድረግ መብትን ለመገደብ መሞከር ፈፅሞ የማያዋጣ አካሄድ መሆኑን ነው፡፡ በሕገ መንግስቱ አንቀፅ 30 መሠረት የዜጎችን የመሰብሰብና ሰላማዊ ሰልፍ የማድረግ ዴሞክራሲያዊ መብት አላቸው፡፡ በዚህ ረገድ የመንግስት ፀጥታ ሃይሎች ድርሻና ሃላፊነት በዜጎች ህይወትና ንብረት ላይ አደጋና ጉዳት እንዳይደርስ መከላከል ነው፡፡ ሆኖም ግን፣ በትላንትናው ዕለት ወሊሶ ውስጥ የተቃውሞ ሰልፍ ሲጀመር ፖሊሶች እንቅስቃሴውን በሃይል ለማፈንና ለማስቆም ሙከራ በማድረጋቸው ነገሮች ከቁጥጥር ውጪ የወጡበት ሁኔታ ነበር፡፡ ከዚህ በተጨማሪ፣ በዛሬው እለት ከትላንቱ ብዙ እጥፍ ህዝብ ወደ አደባባይ እንዲወጣ ምክንያት ሆኗል፡፡ በመሆኑም ፖሊሶች ሳይወዱ በግድ ወደ መደበኛ ስራቸው እንዲመለሱ አድርጏቸዋል፡፡

Seyoum Teshome

ህዝባዊ ተቃውሞዉ አዲስ አበባ ደረሰ BBN news February 12, 2018

Standard

በኢትዮጵያ እየተካሄደ ያለው ህዝባዊ ተቃውሞ አዲስ አበባ መድረሱ ታወቀ፡፡ የፌደራል መንግስቱ መቀመጫ የሆነችው አዲስ አበባ፣ በመሐል ከተማ በዛሬው ዕለት የስራ ማቆም አድማ እንደተካሄደባት መረጃዎች ጠቁመዋል፡፡ በኦሮሚያ ክልል በሰፊው የተተገበረው የዛሬው አድማ፣ በዋና ከተማዋ የተለያዩ አካባቢዎች ሲተገበር ማየታቸውን የዓይን እማኞች ተናግረዋል፡፡ እንደ እማኞቹ ገለጻ፤ በአዲስ አበባ ትልቁ የገበያ ስፍራ መርካቶ ውስጥ የንግድ መደብሮች ተዘጋግተው የዋሉ ሲሆን፤ በአንዳንድ አካባቢዎችም የታክሲ አገልግሎት ተቋርጦ ተስተውሏል፡፡ መርካቶ ጣና ገበያ በተባለው የገበያ ስፍራ የተለያዩ የንግድ መደብሮች ተዘጋግተው እንደነበር የጠቆሙት መረጃዎች፤ በዚሁ ስፍራ የትራንስፖርት አገልግሎት ይሰጡ የነበሩ ተሽከርካሪዎችም ስራ አቁመው መዋላቸውን መረጃዎቹ ያክላሉ፡፡

በመሐል ከተማዋ በተወሰነ መልኩ የተካሄደው የስራ ማቆም አድማ፣ ዳር ላይ በሚገኙት የአዲስ አበባ ከተሞች ግን በሰፊው ተተግብሮ መዋሉን መረጃዎች አስታውቀዋል፡፡ በዓለም-ገና፣ ካራቆሬ፣ አየር ጤና፣ ጆሞ፣ ሰበታ እና በሌሎች አካባቢዎችም የስራ ማቆም አድማ የተደረገ ሲሆን፤ በተጠቀሱት አካባቢዎች የንግድም ሆነ የትራንስፖርት አገልግሎት ተቋርጦ መዋሉን ለማወቅ ተችሏል፡፡ አካባቢዎቹ ጭር ብለው መዋላቸውንም የዓይን እማኞች ገለጻ ያስረዳል፡፡

በካራቆሬ ኬንቴሪ በተባለው የከተማዋ ክፍል ደግሞ የአደባባይ ተቃውሞ ጭምር መደረጉን ከመረጃዎች ገለጻ ለመረዳት ተችሏል፡፡ በዓለም ገና እና ሰበታ መካከል በሚገኘው ኬንቴሪ የተባለ ቦታ፣ ነዋሪው አደባባይ በመውጣት ተቃውሞ ሲያሰማ እንደነበር የዓይን እማኞች ለቢቢኤን ገልጸዋል፡፡ በሰልፉ ላይም ‹‹ወያኔ ሌባ!›› የሚል መፈክር ሲስተጋባ መዋሉም ተነግሯል፡፡ ነዋሪዎች ሰልፍ መውጣታቸውን ተከትሎ ፌደራል ፖሊስ ወደ አካባቢው መድረሱን የገለጹት የዓይን እማኞቹ፤ ፖሊሶቹ ሰልፉን ለመበተን አስለቃሽ ጭስ መተኮሳቸውንም እማኞቹ ይናገራሉ፡፡

ህዝባዊ የስራ ማቆም አድማው በመሐል አዲስ አበባ የተወሰኑ አካባቢዎች ብቻ ቢታይም፤ በኦሮሚያ ክልል በሰፊው የተተገበረው ይኸው አድማ በከተማዋ የንግድ እንቅስቃሴ ላይ ትልቅ ጫና መፍጠሩን ለማወቅ ተችሏል፡፡ ከኦሮሚያ ክልል ጫት፣ ፍራፍሬ እንዲሁም ሌሎች ምርቶችን የምትቀበለው አዲስ አበባ፤ በስራ ማቆም አድማው የተነሳ፣ ለጫትም ሆነ ለሌሎች ምርቶች እጥረት መጋለጧን ነዋሪዎች ገልጸዋል፡፡ እጥረቱ በአዲስ አበባ ብቻ ሳይሆን፤ ከኦሮሚያ ክልል የተለያዩ ምርቶችን በሚቀበሉ ሌሎች ከተሞችም መከሰቱን ለመረዳት ተችሏል፡፡

ነፃ ክልል ገብቼ ወጣሁ!

Standard

በአንዱ መንገድ ሲያቅተኝ፣ እስቲ በዚህኛው ብዪ በቀራኒዮ አድርጌ ለማለፍ ስሞክር ፣ ከቄሮዎች ፊት ለፊት ተፋጠጥኩ “አካም!” ሰላም ነው!? ስላቸው ዙረህ ተመለስ አሉኝ፣ ፍርሃቴን ባሸንፍ አግዛቹ ነበር ብዪ፣ ዞሬ ተመለስኩ በየአቅጣጫው መውጫ የለም፣ ሸገር ተከባለች፣ ከመኪና ወርጄ በእግሬ ወደ ኦሮሚያ ገባሁ፣ ፀጥ ረጭ ብሏል፣ ፈራ ተባ እያልኩ ነው፣ ትንሽ እንደሄድኩ ወጣቶች ያለምንም ፍራቻ ኮብልስቶን ወደ መንገዱ ይወረውራሉ፣ እንደምንም ተደፋፍሬ አንድ ኮብልስቶን አንስቼ ወረወርኩ፣ ፍርሀቱ ለቆኝ ሲሮጥ ታወቀኝ፣ ይብቃኝ ብዪ ወደ እስር ቤቴ ሸገር በእግሬ ተሻገርኩ፣ ወዲያው ሁለት ፖሊሶች ከሚኒባስ ላይ ሲወርዱ አየኋቸው፣ ሁለት ለጋ ወጣቶችን ይዘዋል፣ በፕላስቲኩ የቧንቧ ትቦ እየገረፉ ወደ ፖሊስ ጣቢያ አስገቧቸው፣ እዛው ጋ ሆኜ አሻግሬ አየሁ ወጣቶች ዘና ብለው ቆመዋል፣ የሸገር ፖሊሶች ወደ እነሱ ሊሄዱ አልደፈሩም… በእጃቸው የገባውን ግን ማሰቃየታቸውን አላቋረጡም፣ ትንሽ ጊዜ ነው ብዪ ተመኘሁ።

ፖሊስ ዛሬም መደባደቡን አላቆመም!!!

የሰው ስጋ-በሉ የወያኔ ጦር

Standard

የመከላከያ ሰራዊት ለአንዲት ሀገር ዋልታና መከታ እንዲሁም የህዝብ አለኝታ ነው። ይህ ግን በአሁኑ ወቅት ያለውን “የኢትዮጵያ መከላከያ ሰራዊት” አይመለከትም።በድህረ ደርግ በህወሓት የተዋቀረው የመከላከያ ሰራዊት ከጫካ ጀምሮ የአንድን መንደርተኛ ቡድን ፍላጎት ከማገልገል ያለፈ ፋይዳ የሌለው የሽፍታ ታጣቂ ነው።ይህ ጦር ሀገራዊ ቁመና የሌለው፤ አንድም ቀን ብሔራዊ ተልዕኮ ያልፈፀመና ህዝባዊ ግርማ ሞገስ የራቀው ሰራዊት ነው። መከላከያ ሰራዊት የሚጠበቅበትን ዳር ድንበር የማስከበር ስራ ትቶ እንደማጅራት መቺ ቅያስ ለቅያስ እየዞረ የህፃናትን ደም ሲያፈስ የሚውል እጅግ መንደሬ የሆነ ስብስብ ነው።እዚህ ግባ የሚባል የራሱን ብሔራዊ ገፅታ መገንባት ያልቻለው ይህ የታሪክ አተላ የሀገሪቱ ሲቪል አስተዳደር እንዲህ በበሰበሰበት ወቅት እንኳ ስልጣን ተረክቦ የሽግግር መደላድል የመፍጠር ተቋማዊ አቅምም ሆነ ቅቡልነት የሌለው ወራዳ ጦር ነው።ይህ በተልዕኮው ከአንድ ልክስክስ ውሻ ብዙም የማይለየው ሰራዊት ዛሬ በምስራቁ የሀገራችን ክፍል በህወሓት ሸፍጥ በገዛ ሀገራቸው ተፈናቅለው የመከራ ህይወት እየገፉ የሚገኙ ወገኖቻችንን መናከሱን እያየን ነው።የኢትዮጵያ ህዝብ ሆይ ማንኛውንም አይነት ልዩነትህን ወደ ጎን ትተህ ኃይልህን አስተባብረህ ይህን የበሰበሰ ስርዓት ቅበር። ሌላ ምርጫ የለህም።

የዕለቱ መልዕክት ነው!