የአዲስ አበባ የታክሲ ሾፌሮች አመፅ ቀስቃሸ የታክሲ ጥቅሶችን በአስቸኳይ እንዲያነሱ በኮማንድ ፓስቱ ታዘዙ

Standard

 ካለፈው ሳምንት ሚያዚያ 11 ጀምሮ ለተከታታይ ቀናት ስቴዲየም በሚገኘው የመንገዶች ባለሥልጣን አዳራሽ  ከወያኔ ሰዎች ጋር እየተወያዩ የሚገኙት ባለ ኮድ አንድ የታክሲ ሾፌሮች በቁጥር ከ5ሺ ይልቃሉ ተብላል፡፡

ውይይቱ የተዘጋጀው በአዲስ አበባ መንገዶች ባለሥልጣንና በኮማንድ ፖስቱ ሲሆን አዲስ የወጣውን የመንገድ ትራንስፖርት ትራፊክ መቆጣጠሪያ ደነብ ቁጥር 395/2009 ከሚመለታቸው አካላት ጋር ለማስተዋወቅ የተሰናዳ ነው በሚል ነበር፡፡

ኾኖም መድረኩ ቅሬታና የዓመታት ብሶት ገንፍሎ በወጣባቸው የታክሲ ባለንብረቶችና ሾፌሮች ቁጥጥር ሥር ወድቋል ለማለት ያስደፍራል፡፡

በሰባቱ ቀናት ስብሰባ የመናገር እድል የተሰጣቸው ተወያዮች መንግሥትን ክፉኛ የተቹ ሲሆን የብዙዎቹ አቤቱታ “መንግሥት እኛን እንደተቃዋሚ ፓርቲ እንጂ እንደ አገልግሎት ሰጪ አድርጎ አይመለከተንም” የሚል ነው፡፡
“እኛን ከመክሰሳችሁ በፊት ራሳችሁን ብትፈትሹ ጥሩ ነበር” ያሉ አንድ የታክሲ ባለንብረት “በአገሪቱ ሙስና የተፈለፈለው ከናንተ ቢሮ አይደለምን?” ሲሉ ጉቦ የማይጠይቅ ትራፊክ በአዲስ አበባ በተለይ ደግሞ በኦሮሚያ ፈልጎ ማግኘት እንደማይቻል የ15 ዓመት ልምዳቸውን በመጥቀስ አብራርተዋል፡፡

በየቀኑ ከ10 እስከ 20 የሚሆኑ ታዳሚዎች ሐሳባቸውን እንዲሰጡ በተደረገበት በዚህ ዉይይት ፖለቲካዊ መንፈስ የነበራቸው ድምጾችም ተሰምተዋል፡፡
“በ97 ምርጫ ዋዜማ ለሰልፈኞች ነጻ ትራንስፖርት ሰጥታችኋል ብላችሁ ከዚያን ጊዜ ጀምሮ በበጎ እንደማታዩን ይገባናል፡፡” ያሉ ሌላ ባለንብረት ንግግራቸው በጭብጨባ ከተቀቋረጠ በኋላ ሐሳባቸውን የቀጠሉ ሲሆን ሁሉም ዘርፎችን መንግሥት ባለው አቅም ሁሉ እየደጎመ ታክሲን ቸል ያለበት ምክንያት ከዚሁ የጠላትን ስሜት የመነጨ እንደሆነ እንደሚያምኑ ተናግረዋል፡፡

“ለመንግሥት ሠራተኛ በሰበብ አስባቡ ደመወዝ ትጨምራላችሁ፣ የኛን ታሪፍ ለማሻሻል ግን አንድ ቀን እንኳ አስባቸሁ ታውቃለችሁ?” ሲሉ ጠይቀዋል፡፡
በዚህ አስተያየት የተበረታቱ ሌላ የታክሲ ባለንብረት የመናገር እድሉን ያገኙ ሲሆን “እዚህ አገር በሕዝብም በመንግሥትም እየተጠላን፣ ዘላለም እየተረገምን የምንሠራ እኛ ታክሲዎች ነን፡፡” ካሉ በኋላ “ተመስግነን አናውቅ፣ አትርፈን አናውቅ፣ ሕይወታችን ተለውጦ አያውቅ፡፡ እስቲ ከታክሲ ሥራ ተነስቶ እዚህ ደረሰ የተባለ ሰው ንገሩኝ” ሲሉ ታዳሚውን ጠይቀዋል፡፡

“እኔ ንግግሬን በሌላ አትውሰዱብኝና እኛ ታክሲዎች ጧት ተነስተን ባንሠማራ እኮ አገሪቷም ትቆማለች፡፡ መንግሥትም የሚሽመደመድ ይመስለኛል፣ ከናንተ ውስጥ ግን ይህን የሚያስብ ያለ አይመስኝም” ሲሉ ሐሳባቸውን ቋጭተዋል፡፡ ታዳሚውም በጭብጨባ ድጋፉን ገልጾላቸዋል፡፡
” ለመሆኑ የመኪና መለዋወጫ ዋጋን ታውቃላችሁ? ስፔርፓርት ስንት ነው?” በሚል ጥያቄ የሰነዘሩ ሌላ የታክሲ ባለንብረት፣ “ዛሬ አንድ ስፖኪዮ ቢሰበር ስንት ብር እንደሚያስወጣን ብታውቁ ደፍራችሁ እዚህ ባልጠራችሁን ነበር” ሲሉ ጠንከር ያለ ሀሳብ ሰጥተዋል፡፡

“ለነገሩ መንግሥት ሕዝብን መስማት ካቆመ ስለቆየ በናንተ አልፈርድባችሁም፤ እኛ ትዝ የምንላችሁ እኮ አድማ ስንመታ ብቻ ነው፤ ጃንሆይንም ታክሲ ነው ያወረዳቸው፣ ታሪክ ብታውቁ ደፍራችሁ እዚህ አትጠሩንም ነበር” ሲሉ አስተያየት የሰጡ አባት በመድረኩ አስተናባሪዎች ተግሳጽ ደርሶባቸዋል፡፡

” እዚህ መድረክ ስላገኘን ብቻ እንዳመጣልን መናገር ተገቢ አይመስለንም፡፡ ታክሲዎች ለሕዝብ አገልግሎት እንዲሰጡና ተጠቃሚ እንዲሆኑ የተለያዩ ጥረቶች እየተደረጉ ነው፡፡ በሚሊዮን የሚቆጠር ገቢ ይቅርብኝ ብሎ ያለቀረጥ ከአንድ ሺ በላይ ታክሲዎች ወደ አገር ቤት እንዲገቡ የተደረገውም በዚህ ምክንያት ነው፡፡ የትርፍ ህዳጋችን መጨመር አለበት፣ ሥራው በሚፈለገው መልኩ እያተረፈን አይደለም የሚለው ተገቢ ጥያቄ ነው፡፡ እኛ ካመጽን አገር ትቆማለች ማለት ግን ኃላፊነት የጎደለው ንግግር ነው፤ መንግሥት እናንተ የምታገኙት ትርፍ ወቅቱን ያገናዘበ እንዳልሆነ ይረዳል፡፡ ለዚህም ጥናት እያደረገ ነው፡፡ በዚህ ዓመት የታሪፍ ማሻሻያ ለማድረግ እየሠራ ነው፡፡” የሚል ምላሽ ከመድረክ መሪዎች በአንዱ ተሰጥቷል፡፡

በተለይም መንግሥት እኛን እንደተቃዋሚ ፓርቲ እንጂ እንደ አገልግሎት ሰጪ አድርጎ አይመለከተንም ላላችሁት ግን በየ ታክሲ ውስጥ የተለጠፉ አመፅ ቀስቃሽ ፅሁፎች እንዳለ እናካለን እናም ይህንን አመፅ ቀስቃሽ የሆኑና ህዝብን የሚያበጣብጥ ፅሁፍ ባስቸካይ እንድታስወግዱ መባላቸውን ከተሳታፊዎቹ አንዱ ገልፆልናል።

በአሰግድ ታመነ

Advertisements

በደሴ ግዳጅ ከሕዝብ ጋር አንጣላም ያሉ ሚሊሻዎችና ፖሊሶች መሣሪያ ሊገፈፉ ነው

Standard

ዓባይን በእግር የሚሻገሩ ሰዎችን ለመከልከል የተለቀቀው ግድብ ጉዳት አደረሰ፤ሚዚያ 2 ቀን 2009 ዓ.ም፤ በደሴና አካባቢው ያሉ የታጠቁ ሚሊሻዎች ራቅ ወደ አሉ አካባቢዎች ለተልዕኮ አንሔድም በማለታቸው ትጥቃቸውን እንዲያስረክቡ ታዘዋል፡፡ ዛሬ ጠዋት አካባቢ ከደሴ የደረሰው መረጃ እንደሚያመለክተው ሚሊሻዎች ያስታጠቀን ሕዝብ በመሆኑ መሣሪያ አንመልስም በማለታቸው ከአስተዳደር አካላት ጋር ፍጥጫ ተፈጥሯል፡፡ በደሴ ከተማ የሲቪል ፖሊሶች ታማኝ አይደላችሁም በሚል ግምገማ መሣሪያ እንዳይዙ ታግደዋል፡፡ ከሰሞኑ መሣሪያ የተከለከሉት ፖሊሶች እገዳው እስከመቼ ድረስ ሊሆን እንደሚችል የታወቀ ነገር የለም፡፡

በተያያዘ የደሴ ከተማ ነጋዴዎች ሥራ ባለመሥራታችን ግብር ልንከፍል አይገባም የሚል ተቃውሞ አንስተዋል፤ መምህራን በበኩላቸው አመጻቸውን አጠናክረው እንደቀጠሉ ሰምተናል፡፡

በሌላ በኩል በዓባይ ድልድይ ምክንያት ከሁለት ተከፍላ የሰነበተች የባሕር ዳር ከተማ ለዜጎቿ ስቃይ ሆናለች ተብሏል፡፡ ድልድዩ በመዘጋቱ ምክንያት የዓባይን ወንዝ በዋና እንዲሁም ድንጋይ ባለበት አካባቢ ደግሞ በእግር ለመሻገር መፍትሔ ያደረጉት የባሕር ዳር ከተማ ነዋሪዎች የጨርጨራ ግድብ ተከፍቶ ጉዳት አድርሷል ተብሏል፡፡ በዋና እና በእግር የሚሻሩ ሰዎችን ለመከልከል የተለቀቀው ግድብ ምክንያት በቀበሌ 10 እና 11 የዓባይ ወንዝ አጠገብ የጓሮ አትክልቶች ተጠራርገው ተወስደዋል ብለውናል እማኞቻችን፡፡ ከወንዙ ዳር አንድ ኪሜ ርቀት ላይ ያለ የአትክልት ቦታ ድረስ ጉዳት አድርሷል ያሉት ምንጮች በድንገት የተለቀቀው ግድብ ከባሕር ዳር ራቅ ብለው ባሉ ገበሬዎች ማሣ ላይና የሰው ሕይወት ላይ ከፍተኛ ጉዳት ሊያደርስ እንደሚችል ግምታቸውን አስቀምጠዋል፡፡

©Et

ህወሀት የፌስቡክ ወታደሮችን ለማሰልጠን ከመቀሌና ሌሎች የትግራይ ከተሞች እየመለመለ ነው 

Standard

መመልመያ መስፈርት የትውልድ አከባቢ፣ ከባለስልጣን ጋር ያላቸው የዝምድና ቅርበት፣ ባጠቃላይ የፖለቲካ ታማኝነት ነው። ሰልጣኞቹ ቁሳዊ ጥቅም ያገኛሉ፣ በየደረጃው ስልጣን ይሰጣቸዋል፣ የደህንነት መስሪያቤት አባል ይሆናሉ።ከስልጠና በኋላ … ህወሐትን የሚቃወሙ ሰዎችን (በማህበራዊ ሚድያ በኩል) ይሳደባሉ፣ ያሸማቅቃሉ። ማንነታቸውን ደብቀው አማራ ወይ ኦሮሞ በመምሰል የትግራይ ህዝብን ይሳደባሉ- የትግራይ ህዝብ ከህወሐት ጎን ለማሰለፍ። የብዕር ስም ተጠቅመው ፅንፈኛ ተቃዋሚ መስለው ፌስቡከኞችን መሰለልና ተቃዋሚ ድርጅቶችን ማፍረስ ወዘተ። ከተወሰነ ግዜ በኋላ ከትግራይ የተመለመሉ ፌስቡከኞች አማራ ወይ ኦሮሞ ስም ይዘው የትግራይን ህዝብ ሲሳደቡ እናያለን።የሚያሳዝነው ነገር ለመሳደብ መሰልጠናቸው አይደለም። ብዙ የትግራይ ተወላጆችን መሸወዳቸው እንጂ። ትግርኛ ተናጋሪ የህወሐት አባላት ሁነው የሌላ ብሄር ተወላጆች መስለው የትግራይን ህዝብ ሲሳደቡ ብዙ የትግራይ ተወላጆች ይሸወዳሉ።እኔ ግን እላለሁ፡ እነኚህ ልጆች ጥላቻ ሳይሆን መቻቻልን ቢሰለጥኑ፣ ስድብ ሳይሆን ሐሳብን ቢማሩ፣ ህዝብን ከህዝብ ጋር ለማለያየት ሳይሆን ለማቀራረብ ቢሰሩ መልካም ነው።ደግሞ እነዚህ ቃላት shared, retweeted, taged ወዘተ ምን ማለት እንደሆኑ አስረድዋቸው።ከብዙ የጥላቻ ስብከት በኋላ ግን ወደኛ ጎራ መቀላቀላቸው ግድ ነው። ህወሐቶች ስድብ ያስታጥቋችኀል፣ እኛም ሐሳብ እንመግባችኀለን። በመጨረሻም ሐሳብ ያሸንፋል።

በ አሰግድ ታመነ

የጎንደርን ህዝብ በጅምላ ለመጉዳት የተደረገ ዘመቻ

Standard

በቅርብ በሚገኘው በዳባት ወረዳ የአጅሬ ጃኖራ ላይ በህፃናት ላይ የደረሰውን እልቂት እናስታውሳለን። በአንድ የክትባት ብልቃጥ ተወጉት አስራ አራት ህፃናት የታመሙ ሲሆን አራቱ ወድያው እንዲሞቱ ሆኗል ቆይቶ አምስተኛው ህፃን የሞተ መሆኑን ካሁን ቀደም መዘገባችን ይታወሳል፡፡ በወቅቱም ህፃናቱን ህክምና ማድረስ አለመቻሉ ታውቋል።ይባስ ብሎ የዳባት አዲአርቃይ እንዲሁም ደባርቅ በአቶ አየልኝ ሙሉአለም የቀድሞ የአማራ ጤና ቢሮ ሃላፊ የአሁኑ የሠሜን ጎንደር አስተዳዳሪ በተጠነሰሰ ሴራ አማካኝነት የደባርቅ ሆስፒታል አገልግሎት ወደማይሰጥበት ደረጃ እንዲሸጋገር እያደረጉት ይገኛል።ሰራተኛውን በማስፈራራት በአንድ ወር ውስጥ ከሃምሳ በላይ ነባር ባለሙያ ከስራ እንዲለቅ ተደርጓል። ሰራተኞች ሰብአዊ መብታቸው ተገፎ በሃላፊው በኩል የስድብ እንዲሁም አንድ ነርስ ባለሙያ ሃላፊው ቢሮ አስጠርቶ በጥፊ እና በቦክስ ተመትቷል። ባለሙያው ከፍተኛ በሆነ ችግር ውስጥ ይገኛል። ሆስፒታሉ በመዳህኒት እጦት ላይ መሆኑም ታውቋል።ይህ እየሆነ ያለው ሆን ተብሎ አካባቢውን ለመጉዳት እንደ እብድ የሚቆጥሩትን ከጠለምት ወረዳ በሙስና የተባረረ ሃላፊ በመመደብ ነው፡፡ የአካባቢውን ማህበረሰብ ለመጉዳት አዲስ ሃላፊ በማስመጣት በስድስት ወር ውስጥ የተለያዩ ዲፖርትመንቶች እንዲዘጉ ተደርጓል። ከነዚህም ውስጥ የጥርስ ህክምና የአልትራሳውንድ አገልግሎት ዋናዋናወቹ ናቸው፡፡ ደባርቅ ላይ በመዘጋቱ ጎንደር እንዲሄዱ ይገደዳሉ። መሳሪያወቹ ጎንደርም ተሂዶ ተሟልተው ስምማይገኙ መፍትሄ የለም።በየወሩ ከ20 የሚበልጡ ሰራተኞች ደሞዝ ሰበብ እየተፈጠረ እንዲቀጡ እና ተማረው ሃገር እንዲለቁ ይደረጋል። ይህ ደግሞ በነባር ሰራተኞች ላይ ጎልቶ ይታያል፡፡ በሚገርም ሁኔታ በዚህ ሰአት በሆስፒታሉ ምንም አይነት ግላብ የለም። ሰራተኞች ያለ አንዳች መረጃ እንዲታሰሩ ያደርጋል። ለሽልማት እጩ የነበረው ሆስፒታል ወደ ሁዋላ እንዲመለስ የማሻሻያ ስራዎች እንዳይሰሩ እየተደረገ ነው።ወያኔ ጎንደር ውስጥ ህዝቡ አንቅሮ እንደተፋው ግልፅ ነው። ደባርቅ በቅርቡ የተዘጋጀ የሩጫ ውድድር አምሳተፍም ብሎ የግፍ አገዛዝ በቃኝ ማለቱን ዘግበናል።ከቦታው መረጃውን ላደረሱን እናመሰግናለን።

በአሰግድ ታመነ

​የወያኔ “ጀነራሎች” አዲስ አበባ ውስጥ ምን እየዶለቱ ነው

Standard

ከሁሉም የአገሪቱ ማእዘን በተሰባሰቡ ከጀነራል ማዕረግ በላይ ብቻ ያላቸው ከፍተኛ “መኮንኖች” የተሳተፉበት አስቸኳይ ስብሰባ አዲስ አበባ ውስጥ ትናንት ከጠዋቱ አስራ ሁለት ሰዓት ጀምሮ እየተካሄደ ነው። ይኽ ስብሰባ ከፍተኛ ውጥረት በሞላበት የፍርሃት ድባብና በአንደኛ ደረጃ የጸጥታ ቁጥጥር ውስጥ እየተካሄደ ሲሆን ጉዳዩን እንቆቅልሽ የሚያደርገው በህገመንግስቱ የአገሪቱ የጦር ሃይሎች አዛዥነትን ሥልጣን “የተሰጠው” ሃይለማርያም ደሳለኛን ከአዲስ አበባ ውጭ ወስደው አዋሳ ከተማ በአንድ መናኛ ሆቴል ውስጥ ሆኖ እንዲቆይ ማድረጋቸው ነው።”ጀነራሎቹ” ይኽን ስብሰባ ከጀመሩበት ሰዓት ጀምሮ እርስ በራሳቸውም ሆነ ከውጭ ሰው ጋር ምንም አይነት የስልክ ልውውጥ እያደረጉ እንዳልሆነ ታውቋል፤

በ መስቀሉ አየለ

በትግራይ  እና በአማራ ሚሊሻዎች መካከል ግጭት ተቀሰቀሰ

Standard

በዋልድባ ገዳም አካባቢ በአማራና በትግራይ ሚሊሺያዎች መካከል ለሁለት ቀን የተካሄደው ግጭት በስፍራው አዲስ ውጥረት ማንገሱን አንድ አለም አቀፍ ተቋም ሃሙስ አስታውቋል።ይኸው በመከላከያና ደህንነት ዙሪያ የሚሰራውና መቀመጫውን በብሪታኒያ ያደረገው ጄን የተሰኘ ተቋም ለሁለት ቀን በዘለቀው የሁለቱ ወገኖች ግጭት በትንሹ ስድስት ሰዎች መሞታቸውን የተለያዩ መረጃዎችን ዋቢ በማድረግ በጉዳዩ ዙሪያ ባወጣው ሪፖርት አመልክቷል። የአይን እማኞች በዋድባ እምበርታት ገዳም መጋቢት 27 2009 አም በሚከበረው የመድሃኒያለም ክብረበዓል ላይ ለመታደም ይጓዙ የነበሩ የአማራ ክልል ሚሊሺያዎች ትጥቃቸውን እንዲፈቱ በመጠየቃቸው ግጭት ሊቀሰቅስ መቻሉን ለኢሳት መግለጻቸው ይታወሳል።ተመሳሳይ ሪፖርትን ያቀረበው የደህንነት ተቋሙ የመንግስት የጸጥታ ሃይሎች በሳምንቱ መጀመሪያ 39 መነኮሳት በቁጥጥር ስር አውለው እንደነበርም አመልክቷል።መንግስት በዋልድባ ገዳም ዙሪያ ሊያካሄድ ያሰበው የስኳር ፋብሪካ ግንባታ በገዳሙ ባሉ መነኮሳት በኩል ለአመታት ተቃውሞ እንዲቀጥል ማድረጉ ይታወሳል።ሰሞኑን ገዳሙ ለልማት መነካት የለበትም በሚል መጠነ ሰፊ ዘመቻን ሊያካሄዱ የነበሩት አባ ገብረየሱስ በቁጥጥር ስር መዋላቸው ይታወሳል።

የዋልድባን እንታደግ ማህበር በበኩሉ የሃይልማኖት አባቱ በጸጥታ ሃይሎች በተያዙ ጊዜ ከፍተኛ ድብደባ እንደተፈጸመባቸውና ከቀናት በፊት ወደ ማዕከላዊ የምርመራ እስር ቤት ስለመወሰዳቸው መረጃ እንደደረሰው ለኢሳት መግለፁም አይዘነጋም።በገዳሙ ዙሪያ ያለው የጸጥታ ሁኔታ አሁንም ዕልባት አለማግኘቱን ለኢሳት የገለፁት እማኖች ሰሞኑን ከተቀሰቀሰው ግጭት ጋር በተያያዘ የበዓሉ አካባበሩ ባይስተጓጎልም ከበዓሉ ስነስርዓት በመመለስ ላይ የነበሩ ሰዎች መታገታቸው ታውቋል።

በ በሃይሉ ቱሉ

​በቂሊንጦ እስር ቤት ውስጥ የአይምሮ ህመምተኛ ወጣቶች በከፍተኛ ቁጥር እንደጨመረ ተነገረ

Standard

የወያኔ የግፉዖን ማጎሪያ ቂሊንጦ እስር ቤት ከጊዜ ወደጊዜ የታሳሪው ቁጥር በሁሉም ዞን ከልክ በላይ መጨመሩ እና የህሊና እስረኞች (ደቦቃ) መተኛት የተለመደ ሆኗል የሚሉት ታሳሪዎች በዚህም ምክንያት ለተለያየ ህመም እየዳረጋቸው እንደሆነ ይገልፃሉ፡፡  በተለይ በአሁኑ ሰዓት የአይምሮ ታማሚው ወጣቶች ቁጥሩ ከ300 የሚበልጡ እንዳሉ እና በእስር ተስፋ በመቁረጥ ለችግር ተዳርገው በጠርሙስ እራስን እስከማጥፋት አንገታቸውን የገዘገዙ በቅርቡ ተመልክተናል የሚሉት ታሳሪውች ሁኔታው በዚህ ከቀጠለ ለከፍተኛ አደጋ እንደምንዳረግ ይታወቅልን ሲሉ ብሶታቸውን ይናገራሉ፡፡